5 - Nöwetlik sherqiy türkistan putbol musabiqisi awstraliyining adilayd shehiride ötküzüldi

Awstraliyide her yili ötküzülüwatqan sherqiy türkistan putbol musabiqisining 5 - nöwetlik aylanma musabiqisi awstraliyining adilayd shehiride 2011 - yili 12 - ayning 25 - künidin 27 - künigiche 3 kün dawamlashti.
Ixtiyari muxbirimiz abide
2011-12-30
Élxet
Pikir
Share
Print
Sürette Uyghur yashlirining putbol musabiqidin bir körünüsh
Sürette Uyghur yashlirining putbol musabiqidin bir körünüsh
RFA

Musabiqe her küni etigen sa'et 10:00 da bashlinip chüshtin kiyin sa'et 4:00 kéche dawamlashti. Musabiqige adilayd, sidnéy, mélburin we péris komandiliri qatnashti. Musabiqe tamashibinlarning medet tiligen awazliri bilen intayin keskin we jushqun halette dawamlashti.

Mélborin Uyghur jem'iyitining mu'awin re'isi eniwer ependi bu musabiqining meqsiti we ehmiyiti heqqide toxtilip mundaq dédi:

Bu, bizning awstraliyidiki 5 - qétimliq sherqiy türkistan putbol longqisini talishish musabiqimiz. Buning roli we ehmiyiti intayin chong boluwatidu. Awstraliyide bizning nurghun sherqiy türkistanliq qérindashlirimiz bar. Yillap - yillap körüshelmeydu, ehwallishalmaydu. Mushu arqiliq, her yili yashlargha nisbeten körüshidighan, tonushidighan yaxshi bir purset boluwatidu, dostluqimiz küchiyiwatidu. Eqidilirimizni bir - birimizge yetküzüwatimiz, b bir - birimizni chüshiniwatimiz, ittipaqliq jehettin intayin chong ehmiyetke ige boluwatidu. Hésabta awstraliyidiki Uyghurlarning bir en'eniwi pa'aliyitige aylandi. Bügün pa'aliyetning ikkinchi küni. Xudayim buyrusa ete bir kün oynaymiz. Hemmimiz intayin xushal. Pütkül chédirlardiki balilar intayin qizghin keypiyatta kétiwatidu. Bizning prinsiplirimiz kimning chémpiyon bolushi muhim emes peqet oynash, meydan'gha chüshüsh, körüshüsh, tonushush.

3 Kün keskin dawamlashqan bu musabiqide mélburin komandisi birinchilikke, prés komandisi ikkinchilikke, adilayd komandisi üchinchilikke érishti. Mélborin komandisi yene bir qétim musabiqining ghelibisini qolgha keltürdi. Mélburin komandisidin "Eng köp top kirgüzgen mahir" bolup bahalan'ghan hebibulla ziyaritimizni qobul qilip mundaq dédi:

Bizning bügün bu yerge kélishimiz, peqet addi bir putbol musabiqisi emes, belki pütün sherqiy türkistanliqning adilaydqa kélip weten sirtidiki putbol musabiqisi ilip bérish arqiliq wetinimizning, millitimizning iz basarliri bolghan putbolchilirigha wetinimizning tarixi, shan - shöhriti we buningdin kiyin bizge chüshken qiyinchiliqlarni hel qilish toghrisida bir yerge kélip meslihet, yighinlirimizni yaxshi ötküzüwalduq. Buningdin kiyin ötküzülidighan musabiqilirimizning süpitini, kölimini, adem sanimizni, wetendashlirimizni köpeytishimizni ümid qilimen we buningdin kiyin ötküzülidighan sherqiy türkistan weten sirtidiki putbol musabiqilirining yawropada, pütün qit'elerdiki Uyghurlarning bir yerge kélip özimizning milliti we wetendashliri bilen bille bolup, özimizning kimlikimizni untup qalmaydighan ehwal astida chong yighilishlar bolushini ümid qilmen.

Awstraliyige kéliwatqan Uyghur yashlirining köpiyishige egiship, putbol oynashqa qiziqidighan yashlarning sanimu tedrijiy ashmaqta. Ular ishtin sirtqi bosh waqitlirida meshiq élip bérip, yene bir tereptin her xil musabiqilerge qatniship ng Uyghur" dégen namini bashqilargha tonushturmaqta.

Awstraliyediki Uyghur yashlirining putbol musabiqisi pa'aliyitidiki opche süret
Awstraliyediki Uyghur yashlirining putbol musabiqisi pa'aliyitidiki opche süret Photo: RFA


Sherqiy türkistan awstraliye jem'iyitining re'isi abdulghafur mömin ependi yépilish murasimida söz qilip üch kün dawam qilghan bu musabiqining nahayiti netijilik, dostane halette yaxshi axirlashqanliqini bildürdi. U sözide yene mundaq dédi: bu musabiqige qatnishish üchün 3000 kilométir yolni bésip méngip kelgen pérs komandisigha alahide rehmet éytimen. Siydini, mélburin komandilirigha alahide rehmet. Adilaydtiki kütüwalghan yashlirimizgha, mushu sorunni uyushturush üchün maddiy we meniwi jehettin yardem qilghan qérindashlirimizgha alahide rehmet éytimen. Shuning bilen birge, kelgüside wetinimiz sherqiy türkistanda mushundaq birlik, ittipaqliqta, mushundaq jushqun putbol musabiqilirini kelgüside ilip bérishini allah nésip eylisun! hemminglarning qediminglargha rehmet.

Kéler nöwetlik musabiqe siydini shehiride ötküzülidighan bolup, 4 sheherdiki mahirlar buningdin kéyin ötküzülidighan musabiqilerde özlirining eng chong maharetlirini körsitip, öz xelqini, chonglarni we kichiklerni ilhamlanduridighanliqini bildürdi.

Toluq bet