'5 ‏- Iyul ürümchi namayishi' gha qatnashqan bir Uyghur qizining éytqanliri

7 - Ayning 5 ‏- küni, guangdong weqesini intérttin izchil közitip kéliwatqan uyghur tordashliri, bir qisim aliy mektep oqughuchiliri we aktip jemiyet yashliri, ürümchide, ténchliq yoli bilen namayish uyushturghan bolup, süret, namayishchilarning xitay qoralliq saqchilirining qatmu - qat tosalghusigha uchrawatqan körünüsh.

Uning bildürüshiche, 5 - iyul küni namayish sa'et 4 tin burun bashlan'ghan. Namayishchilar deslep hökümettin izahat telep qilghan. Telep sunulup 1 sa'ettin kéyin, namayishchilar tutqun qilinishqa bashlighan. Tutqundin qachqan namayishchilargha saqchilar oq chiqarghan.

Xelq meydanidiki namayishchilargha oq chiqirilghanliq xewiri, shundaqla oq awazi téléfon arqiliq sheherge tarqalghandin kéyin ahaliler perzentlirini, qérindashlirini beziliri dostlirini qutuldurush üchün xelq meydanigha qarap aqqan؛ emma saqchilar yol - yolni tosuwetken.

Buning bilen Uyghurlar mehelliside doqmush - doqmushta toplan'ghan we tosuwélin'ghan Uyghurlar namayishchilargha aylan'ghan. Ular deslep saqchilargha qarshiliq körsetken؛ qoralliq qisimgha küchi yetmigendin kéyin xitay puqralirighimu hujum qilghan.

Shu künki namayishqa sa'et 4 tin 12 ge qeder qatnashqanliqini bildürgen bu qiz, 5 - iyul weqesidiki qan tökülüshning hökümet sewep bolghanliqini, eslide namayishchilarning ténchliq sheklide naraziliq bildürüshtin bashqa pilani yoqluqini eskertti.

Yuqiridiki awaz ulinishidin, bu heqtiki melumatimizning tepsilatini anglaysiler.