Пүтүн инсанийәт чошқа зукамидин мудапиә көрмәктә

Мекискида 4 ‏ - айниң 25 ‏ - күни чошқа зуками байқалған иди. Бундақ җиддий характерлик юқумлуқ кесәл тарқалған һаман, дуня сәһийә тәшкилати инсанийәт һазир җиддий юқумлуқ кесәликкә дуч кәлгәнликини җакарлиди вә пүтүн дуняға аммивий тазилиқ агаһландуруши чиқарди.
Мухбиримиз вәли
2009-04-27
Share
Choshqa-zukami-305 Сүрәт, 26 - апрел, мексикида сайаһәттә болуватқан икки йапонлуқ сайаһәтчи, маска тақиған һалда мексика шәһириниң мәлум кочисида олтурған көрүнүш.
AFP Photo

Мекискида чошқа зуками билән өлгән адәм сани 149 ға йәтти

Микиска сәһийә тармақлириниң ашкарилишичә, мекискида 26‏ - числағичә 1324 адәм чошқа зуками билән юқумлинип, униңдин 81 адәм өлгән. Бүгүнки санлиқ мәлуматқа қариғанда, мекискида чошқа зуками билән юқумланғанлиқи байқалған адәм сани тез көпәйгән, өлгән адәм сани 149 ға йәткән.

Америкида микискидин тарқалған чошқа зуками билән юқумланған бимар сани 40 қа йәтти

Америкиниң сәһийә тармақлириниң бүгүн ашкарилишичә, микискидин тарқалған чошқа зуками билән юқумланғанлиқи байқалған бимар сани калифорнийә шитатида 7, кансаста 2, нюйорк шәһиридә 28, охайода 1, тексаста 2, җәми 40.

Йеңи зелландийә, канада, испанийиләрдиму чошқа зуками бимарлири байқалди

Ройтрс агентлиқиниң баян қилишичә, йеңи зелландийидә, мекискидин қайтип кәлгән 11 нәпәр оқуғучиниң аллиқачан юқумланғанлиқи байқалған. Канададиму, испанийидиму чошқа зуками бимарлири байқалған.

Пүтүн дуня һазир чошқа зукамидин сақлиниш үчүн тәдбир қолланмақта

Учурлардин мәлум болушичә, чошқа зуками билән юқумланған кишиләрдә, дәсләптә зукам болғандикидәк исситма, йүтәл, һарғинлиқ, иштәй тутулуш аламәтлири пәйда болидикән. Кисәл кишиләр ара бәдән арқилиқ яки һава арқилиқ юқидикән. Енқланған әһвалдин қариғанда, бу қетим тарқалған чошқа зукамида асасән 25 тин 45 кичә болған кишиләр өлүп кәткән. Бимарлар әгәр байқалған һаман даваланса дора үнүм беридикән.

Бундақ җиддий юқумлуқ чошқа зуками мекискида тарқалғандин кейин, һазир америка, канада, йеңи зилландийә қатарлиқ дөләтләр чошқа зукамидин сақлиниш үчүн аммивий тазилиқ буйичә җиддий һаләткә өтти. явропа, окянийә, оттура шәрқ вә оттура асия дөләтлири чошқа зукамидин сақлиниш үчүн тәкшүрүш елип беришқа вә өз хәлқини бу апәттин сақлаш үчүн җиддий тәдбир қоллиниишқа башлиди. Дуняниң һәр қайси җайилиридики айродромларда юқумлуқ кесәлликтин сақлиниш тәкшүрүши йолға қоюлушқа башлиди.

Хитай, корийә, сингапор, вейтнам, филипин, малайшия қатарлиқ асия дөләтлири бу қетим микискида йүз бәргән чошқа зукамини, буниңдин бурун хитайда йүз бәргән сарис кесәллики вә қуш зукамидин шиддәтлик юқумлуқ зукам дәп қарап, бүгүндин башлап саяһәт қилишни контрол қилишқа башлиған.

1919 ‏ - Йили 40 милйон адәм юқумлуқ зукамда қирилип кәткән иди

Вашингтон пост гезити бүгүн чошқа зуками һәққидә елан қилған мақалисидә, инсанийәткә 1918‏ - 1919 ‏ - йиллири кәң көләмлик юқумлуқ зукам тарқалғанда 40 милйон адәм қирилип кәткәнликини, мушу әсрдиму, сарс кесәллики вә һәр хил типтики юқумлуқ қуш зуками йүз бәргәнликини, униң һазирға қәдәр тәкрарлинип туруватқанлиқини әслитип, бу қетим йәнә униңдинму дәһшәтлик болған чошқа зуками тарқалғанлиқиға җиддий муамилә қилиш лазимлиқини көрсәтти.

Шинҗаң гезити бүгүн 'чошқа зуками чошқиға йеқинлашмиған кишиләргә юқмайду' дәп тәшвиқ қилди

Хитайниң 'шинҗаң гезити' бүгүн чошқа зуками һәққидә елан қилған хәвиридә 'чошқа зуками чошқиға йеқинлашмиған кишиләргә юқмайду. Адәмдин адәмгә юқмайду' дәп җакарлиди.

Әмма ройтрс агентлиқиниң баян қилишичә, исраилийидә, бир оқуғучи мекискидин қайтип кәлгән һаман дохторханиға келип тәкшүрткәндә, аллиқачан юқумланғанлиқи байқалған. Буниңдин мәлумки, микискида тарқалған чошқа зуками чошқа мәһсулатлирини истимал қилмайдиған инсанларниму юқумландурған.

Хитай һөкүмити бастуруш һәрикити елип беришни пиланлиди

Довей агентлиқиниң баян қилишичә, чошқа зуками хитайда җиддий әнсизлик вә давалғуш пәйда қилди. Коммунист хитай һөкүмити җәмийәттә келип чиқиватқан бундақ турақсизлиққа тақабил туруш үчүн, мекискидин вә америкидики чошқа зуками көрүлгән шитатлардин чошқа гөши импорт қилмайдиғанлиқни җакарлиди.

Шуниң билән бир вақитта йәнә, 5 ‏ - айдин 10 ‏ - айғичә җәмийәттә турақлиқни сақлаш үчүн, ' қара гуроһларға зәрбә бериш', 'чоң делоларни бир тәрәп қилиш' дегән нам астида басуруш һәрикити елип беришни пиланлиди.

Башқа дөләтләрниң чошқа зукамидин сақлиниш тәдбирлири хитайниңкигә охшимайду

Дуняда нурғун дөләтләрниң чошқа зукамидин сақлиниш тәдбирлири хитайниңкигә охшимайду. Б б с ниң баян қилишичә, мекиска даирилири һазир микиска шәһиригә йеқин болған алий, оттура, башланғуч мәктәпләрни, музийи, қавақ қатарлиқ чоң аммивий сорунларни 5 ‏ - айниң ахириғичә тақашни җакарлиди. Кишиләрни көрүшкәндә өз - ара қол елишиш, сөйүшүш вә һәмтамақ болуштин сақлинишқа чақирди. Микискида вә кесәллик тарқалған җайларда, қатнаш түгүнлиридә кишиләргә ағзиға тақайдиған маска тарқитилишқа башлиди.

Америка һөкүмити чошқа зукамиға қарита җидий тәдбир қоллиниишни, әмма хәлқтә әнсизлик пәйда қилмаслиқни җакарлиди вә җиддий давалаш тәдбирлирини қоллинишқа башлиди. Әнгилийә, шиветсарийиләрму чошқа зуками байқалған һаман даваланса, тамифлу Tamiflu қатарлиқ дорилар үнүм беридиғанлиқини елан қилди. Шундақла, әнгилийә, франсийиләр инсанийәтни бундақ апәттин мәңгу сақлаш үчүн, чошқа зукамиға қарши ваксина ишләшкә киришти.



Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт