Kanadada diniy erkinlikni qoghdash sariyi qurulmaqchi

Kanada konsérwatip partiyisining rehbiri stéphén harpér yéngi bir organ-diniy erkinlik sariyining kanadada resmiy xizmet bashlaydighanliqini bildürdi.
Ixtiyariy muxbirimiz kamil tursun
2011-04-28
Share
Stephen_Harper_by_Remy_Steinegger-305 2010-Yili 28-yanwar, kanada bash ministiri Stephen Harper.
en.wikipedia.org

Kanada dunyadiki diniy depsendichiliklerni közitidighan diniy erkinlik sariyini qurmaqchi. Saylam riqabitining axirqi heptiside, konsérwatip partiyisining rehbiri stéphén harpér hakimiyet béshigha kelgen haman yéngi bir organ-diniy erkinlik sariyining kanadada resmiy xizmet bashlaydighanliqini bildürdi.

Stéphén harpér bu yéngi organning tashqi ishlar ministirliqigha qaraydighanliqini we yilliq pa'aliyet rasxotigha 5 milyon dollar ajritidighanliqini eskertip:
‏"Xushalliq bilen shuni jakarlaymenki, men bash ministirliq wezipisini tapshurup alghandin kéyin, konsérwatip hökümitining birinchi bolup qilidighan alahide ishi diniy erkinlik sariyini échishtur." dédi.

Stéphén harpér sözide, bu yéngi organning diniy erkinlikliri depsende qilin'ghan xelqlerning derdige derman bolidighanliqini tekitlep:
‏"Diniy erkinlik sariyi pütün dunyadiki diniy erkinlik weziyitini közitidu, diniy erkinlikni qollash we uninggha medet bérish kanadaning asasliq tashqi siyasitige aylinidu." dédi.

Buningdin ilgiri konsérwatip hökümitining köchmenler ministiri jason kénnéy diniy erkinlikliri boghulghan xelqlerni tilgha alghanda, Uyghurlarnimu eskertip ötkenidi.

Teklip bilen mezkur yighin'gha qatnashqan kanada Uyghur jem'iyitining re'isi ruqiye turdush kanadada diniy erkinlik sariyining tesis qilinishining Uyghurlar üchün alahide ehmiyetlik weqe ikenlikini tekitlidi.

Ruqiye turdush sözide diniy erkinliklerni qoghdash kanadaning asasliq tashqi siyasitige aylinishining yene, xitay türmiside tutup turuluwatqan kanada puqrasi hüseyin jélil mesilisigimu ijabiy tesir körsitidighanliqini eskertti.

Jason kénnéyning tilgha élishiche, bu yéngi organning wezipisi amérika hökümiti 10 yil ilgiri tesis qilghan "Diniy erkinlik sariyi" ning xizmetliri bilen oxshishidiken.

Islam dinigha étiqad qilidighan Uyghurlar dunyada diniy erkinlikliri eng qattiq boghuluwatqan xelqlerning biri.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet