Хәлқ сәнәткари әкрәм мөмин: нахша-музикилирим арқилиқ миллитим үчүн хизмәт қилимән

Мәлумки, чәтәлләрдики, уйғурларниң зор көпчилики оттура асиядики қазақистан, қирғизистан вә өзбекистан җумһурийәтлиригә тарқалған. Қирғизистан һөкүмитиниң мәлуматиға асасланғанда бу җумһурийәттә 60 миң әтрапида уйғур аһалиси яшайду. Қирғизистан уйғурлириниң асаслиқ қисми бишкәк шәһири вә униң әтрапиға җайлашқан болуп, мәзкур җумһурийәттики уйғурлар өз миллий әнәнилири вә нахша-музикилирини өз ичигә алған миллий сәнитини бир қәдәр яхши сақлиған. Йеқинқи йиллардин буян қирғизистан уйғурлири арисида өз миллий кимлики, миллий мәдәнийити вә сәнитини қоғдаш һәм тәрәққий қилдуруш идийилири күчәйгән болуп, миллий нахша-музика сәнити буниң гәвдилик ипадилиридин биридур.

Бишкәк шәһиридики уйғур миллий нахша-музика ансамбили “интизар” ниң әзаси, қирғизистанға тонулған хәлқ сәнәткари әкрәм муминофниң ейтишичә, бу дөләттики уйғур җамаити өз сәнити вә мәдәнийитини раваҗландуруш йолида тиришчанлиқ көрсәтмәктә.

10-Айда америкиға келип, пайтәхт вашингтон шәһири әтрапидики уйғур җамаитиниң қизғин күтүвелишиға еришип, уйғур җамаитини өзиниң йеқимлиқ вә җушқун нахша-музикилири, муқамлири вә ләтипә-чақчақлири билән һузурландуруп, юрт-вәтән сеғиниш туйғулиридин чаңқиған қәлбләргә мәлһәм болған әкрәм әпәнди бүгүн өз мухбиримиз үмидварниң зияритини қобул қилди.

Юқиридики аваз улинишидин мухбиримиз билән әкрәм муминнофниң сөһбитини аңлиғайсиләр.