Әрәб дунясидики намайишларниң бәдили

Әрәб дунясида бир йилдин көпрәк вақиттин бери давам қилип келиватқан әрәб баһари үчүн төлиниватқан бәдәлләр һәқиқәтән еғир вә көп болғанлиқи ениқ.
Ихтиярий мухбиримиз өмәрҗан
2012-03-28
Share
Ereb-doletliri-ittipaqi-yighini-305.jpg Әрәб дөләтлири иттипақиға әза дөләтләр ташқи ишлар министирлириниң чоң йиғини, 2012-йили 12-феврал, қаһирә.
RFA/Omerjan

Төләнгән бәдәлгә лайиқ аз-тола өзгиришләрму болмақта. Әмма ахирқи һесабта әркинлик вә демократийә йолида төкүлгән қанлар бәдәлсиз қалмайдиғанлиқи ениқ. Буниңға һәр ким ишиниду вә үмид бағлайду.

Лондонда чиқидиған "оттура шәрқ" гезитиниң 2012-йили 28-март күнидики санида, мәшһур язғучи абдулмуним сәид дегән кишиниң қәлими билән йезилған "инқилабларниң бәдили" намлиқ мақалә елан қилинған болуп, мақалидә мундақ дәп йезилған:
"дуняда һеч нәрсә бикарға кәлмәйду. Йемәк-ичмәкләрдин башлап турмуштики аддий бир еһтияҗларму бикарға кәлмигәндәк, әркинлик, демократийә вә һөрийәт дегәнләрму бикарға кәлмәйду. Бәлки буларниң бәдили әлвәттә чоң болиду. Дуняда һәр қандақ бир инқилаб, қозғилаң вә һәр қандақ бир намайишқа үмид билән муамилә қилғанларму вә униң нәтиҗисидин шәк қилғанларму болған. Әйни вақиттики дуняда пәвқуладдә чоң өзгириш қозғиған франсийә инқилабиғиму шәк билән муамилә қилғанлар болған. Әмма франсийә инқилаби ғәлибә қилғандин кейин, бу инқилаб көплигән дөләтләрдә өз тәсирини көрсәткән.

Әрәб дөләтлиридики әһвал башқичә

Мақалидә йәнә мундақ дәп йезилған:
"әрәб баһари давам қиливатиду. У өткән бир йил ичидә төт пәсилниң һәммисини бесип өтүп болған болсиму, униң нами йәнила ‹баһар' дур. Чүнки бу баһар нәччә он йиллардин бири сүкүттә ятқан виҗданларни қозғатти вә инсаний һөрмити билән яшашни арзу қилғанларниң йолиға шам яқти. Әмма әрәб дунясидики бу өзгиришләрниң капалити аздәк қилиду. Чүнки, франсийә инқилабидәк чоң инқилабларни башлатқанлар һәр тәрәптин йетишкән шәхсийәтләр иди. Әмма әрәб дунясида қозғалған намайишлар хәлқ тәрипидинла болған. Уларниң йеңи вәзийәткә қандақ муамилә қилиш һәққидә тәйярлиқи йоқ. Шуңа улар өзлирини йетиштүрүшкә вә нәтиҗә қазанған дөләтләрниң тәҗрибисидин өгинишкә моһтаҗ. Әркинлик вә һәқиқий демократийә дәп йолға чиққан хәлқ бу йолда бәдәл төләшкә рази болуп чиққан хәлқтур. Әмма бәдәл җан, малдин ешип, вәтәнниң бирликини парчилашқа йетип қалса болмайду. Буниңға инқилабқа баш болғанлар мәсул. Ливийиниң парчилиниш алдида туруватқан ечинишлиқ әһвали һәр кимни ойға салмақта."

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт