5-Июлдин кейин из-дерәксиз ғайиб болғанлар (29)

Ғайиблардин аблаҗан сулайман әйни чағда 19 яш, қизилсу аптоном области ақту наһийисиниң барин йезисидин. У 5-июл вәқәсидин бир ай илгири үрүмчигә кәлгән болуп, вәқәдин бир күн кейин ат бәйгә мәйдани 6-кочидин тутуп кетилгән.
Мухбиримиз шөһрәт һошур
2013-01-01
Share
abdusemet-ablet-305.png "5 - июл"дин кейин из дерәксиз ғайип болғанлардин бири абдусәмәт абләт
Photo: RFA

Мәлум болушичә, аблаҗан сулайман һәққидики әң ахирқи учур, униң үрүмчи казивән қамақханисида икәнлики. Аблаҗан сулайман аилисигә бу учурни йәткүзгән қизилсу областлиқ сақчи идариси кейинки мәзгилләрдә, аблаҗан сулайман һәққидә мәлумат беришни рәт қилған. Үрүмчи шәһәрлик сақчи идариси болса аблаҗан сулайманни тутқанлиқини етирап қилған болсиму, та һазирға қәдәр униң аилисини күтүп турушқа буйрумақта. Мухбиримиз ғайиб аблаҗан сулайманниң дадиси сулайман давут билән сөһбәт елип барди.

Сулайман давутниң билдүрүшичә, оғли аблаҗан сулайман ат бәйгә мәйданидики қушханида ишләватқан болуп, у 6‏-июл күни сәһәрдә тутуп кетилгән. Униң баян қилишичә, шу күни ат бәйгә мәйдани 6-кочидики әркәкләрниң һәммисила тутуп кетилгән болуп, аридин бир айчә өткәндә аблаҗан аилисигә униң гунаһсиз икәнлики, пәқәт мичүәндики бир қамақханида қанун тәрбийиси еливатқанлиқи уқтурулған. Қамақханидин чиққанлардин бири болса, тонуп бериш үчүн көрситилгән рәсимләр арисида аблаҗан сулайманниңму рәсимини көргәнликини ейтқан. Нөвәттә сақчилар болса, аблаҗан сулайман аилисигә униң һәққидә мәлумат беришни изчил һалда рәт қилип кәлмәктә вә давамлиқ һалда күтүп турушни буйрумақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт