Gérmaniye parlamént wekilliri d u q wekilliri bilen söhbet élip bardi

Gérmaniye parlaméntining kishilik hoquq komitéti we erziyet komitéti xadimliri bu yil 4 - ayning 17 - künidin 20 - künigiche sherqiy türkistan hem tibette ziyarette bolup, xitayning Uyghurlar we tibetliklerge qarita yürgüzüwatqan kishilik hoquq depsendichilikige a'it mesililer boyiche tekshürüsh élip barghan idi.
Muxbirimiz ekrem
2009-06-23
Share
Dolqun-eysa-305 D u q ning bash sékrétari dolqun eysa ependimning gérmaniyidiki namayishlardin biride söz qiliwatqan körünüshliridin biri.
RFA Photo

6 - Ayning 18 - küni, ular d u q rehberlirining iltimasi bilen gérmaniye paytexti bérlinda qurultay rehberliri bilen uchrishish ötküzüp, özlirining sherqiy türkistan toghriliq igiligen melumatlirini teqdim qilghan we d u q rehberlirining Uyghurlargha a'it yéngidin érishken melumatlirini qobul qilghan. Bu qétimqi uchrishishqa d u q mu'awin re'isi esqerjan bilen bash katip dolqun eysa ependiler qatnashqan.

Dolqun eysa ependining pikrige asaslan'ghanda, gérmaniye parlaménti kishilik hoquq komitéti we erziyet komitéti xadimlirining, bundin kéyin yene, xitay belgilep bergen ürümchidiki bir qanche nuqtini emes, belki qeshqer, xoten qatarliq Uyghurlar merkezliship olturaqlashqan rayonlarni ziyaret qilish pilani bar iken.

Yuqiridiki awaz ulinishidin, bu heqtiki melumatimizning tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet