Түркийә халисанә бирләшмә вәхпи тәрипидин уюштурулған йиғинда уйғурлар

2010 ‏- Йили 1 ‏- айниң 16 ‏- күни түркийә халисанә бирләшмә вәхпиниң уюштуруши билән, тәшкилатни қандақ идарә қилиш вә тәшкилләш, қандақ қилғанда актип һалға кәлтүрүш тоғрисида йиғин өткүзүлди. Йиғинға шәрқий түркистан маарип вә һәмкарлиқ җәмийитиниң рәиси һидайәтуллаһ оғузхан башчилиқидики һәйәт тәклип билән қатнашти.
Мухбиримиз арислан
2010-01-22
Share
TGTV-yighinida-Uyghurlar-Istanbulda-305.jpg Сүрәт, 2010 ‏- йили 1 ‏- айниң 16 ‏- күни түркийә халисанә бирләшмә вәхпиниң уйуштуруши билән өткүзүлгән, тәшкилатни қандақ идарә қилиш вә тәшкилләш, қандақ қилғанда актип һалға кәлтүрүш тоғрисидики йиғиндин бир көрүнүш.
RFA Photo / Arslan

Йиғинға сиясий вәхпиниң рәиси фәхри солак әпәнди риясәтчилик қилди. Мурасимда малтәпә универиситети иқтисад вә игилик башқуруш бөлүминиң мудири профссор доктур назиф гөрдоған әпәнди аммиви тәшкилатларни қандақ тәшкилләш вә йүргүзүш тоғрисида сөз қилди.

Йиғинда йәнә, шәрқий түркистан маарип вә һәмкарлиқ җәмийитиниң рәиси һидайәтуллаһ әпәнди сөз қилип уйғурларниң нөвәттики вәзийити һәққидә мәлумат бәргәндин кейин, аммивий тәшкилатни тәртипкә селиш вә идарә қилиш тоғрисида уйғур яшлирини тәрбийиләп беришни илтимас қилди.

Йиғинда йәнә, аммивий тәшкилатларни қандақ тәшкиләш вә актип һалға кәлтүрүш тоғрисида илгири ечилған 8 һәптилик курста оқуш путтургән оқуғучиларға диплом тарқитип бериш мурасими өткүзүлди.

Түркийә халисанә бирләшмә вәхпи 1994 ‏- йили истанбулда қурулған болуп, түркийә вә башқа дөләтләрдә 100 дин артуқ аммивий тәшкилат вә фонд әзаси бар чоң бир тәшкилат. Бу тәшкилат аммивий тәшкилатларни бир йәргә җәм қилип дуняда күчлүк бир сияси мәйдан һазирлаш, ислам дуняси дүч келиватқан мәслиләрни һәл қилиш үчүн хизмәт ‏- паалийәт қилип кәлмәктә.

Шәрқий түркистан маарип вә һәмкарлиқ җәмийти бу тәшкилатқа 2008 ‏- йилиниң оттурилирида әза болғандин бири бу тәшкилат билән хизмәт ‏- паалийәтләрдә һәмкарлишип кәлмәктә.

Биз бу қетимқи йиғин һәққидә толуқ мәлумат елиш үчүн йиғинға қатнашқан шәрқий түркистан маарип вә һәмкарлиқ җәмийтиниң рәиси һидайәтуллаһ әпәнди билән сөһбәт елип бардуқ.

Юқиридики аваз улинишидин, бу һәқтики сөһбитимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт