Istanbulda 1 ‏- nöwetlik dunya edebiyatida istanbul namliq yighin ötküzüldi

2010 ‏- Yili 5 ‏- ayning 6‏- we 7 ‏- künliri, beykent uniwérsitéti bilen istanbul fatix sheherlik bashqurush idarisining birlikte uyushturushida, eli emri kültür merkizining yighin zalida, 1 ‏- nöwetlik xelq'araliq dunya edebiyatida istanbul namliq yighin ötküzüldi.
Muxbirimiz arislan
2010.05.07
Selime-Kamal-Dunya-edebiyatida-Istanbul-yighinida-305.jpg Süret, 2010 ‏- yili 5 ‏- ayning 6‏- we 7 ‏- künliri ötküzülgen "1 ‏- nöwetlik xelqaraliq dunya edebiyatida istanbul" namliq yighinda uyghurlargha wakaliten yighingha qatnashqan selime kamal xanim, 'uyghur shairliri we istanbul söygüsi' dégen témida söz qiliwatqan körünüshlerdin biri.
RFA Photo / Arslan

Yighin'gha 27 dölettin 120 din artuq chet'ellik yazghuchi, sha'irlar teklip bilen qatnashti. Bu yighin'gha Uyghurlargha wakaliten, awstraliyide yashawatqan axbaratchi selime kamal xanim, beykent uniwérsitéti edebiyat fakultéti türk til ‏- edebiyat bölümining oqutquchisi doktur meghpiret kamal xanim qatarliq töt neper Uyghur ayal teklip bilen qatnashti.

Yighinda beykent uniwérsitétining réktori proféssor doktur exmet yüksel ependi we istanbul ‏- fatix rayonluq sheher bashliqi mustafa demér ependi échilish nutiqi sözlidi.

Ikki kün dawam qilghan bu yighin eli emri kültür merkizining fatix, bughaz ichi, sultan exmet we istanbul qatarliq töt yighin zalida birla waqitta ötküzülüp istanbul shehirining edebiyattiki orni, istanbulni ziyaret qilghan chet'ellik yazghuchi, sha'irlarning bu sheher heqqide oxshimighan tillarda yazghan 118 parche shé'ir we maqaliliri oqup ötüldi.

Yighinda Uyghurlargha wakalet yighin'gha teklip bilen qatnashqan selime kamal xanim, 'Uyghur sha'irliri we istanbul söygüsi' dégen témida söz qilip, Uyghur sha'irlarning istanbul heqqide yazghan shé'irliridin ariye teqdim qilish bilen birge, istanbulda oqup yurtigha qaytqandin kéyin, weten millet üchün alahide xizmet körsetken meripetperwer sha'ir memet'éli tewpiq ependige oxshash Uyghur ziyaliylirining ish - izlirini tonushturdi we istanbulni ziyaret qilghandin kéyinki tesiratlirini ipadilep shé'ir yazghan Uyghur sha'irlar heqqide toxtaldi.

Yighinda selime kamal xanim Uyghur tilida söz qilghan bolup, sözini axirlashturghandin kéyin yighin ishtirakchilirining Uyghurlar heqqide sorighan so'allirigha jawab berdi.

Biz bu yighin heqqide téximu köp melumatqa érishish üchün yighinda söz qilghan selime kamal we doktur meghpiret xanimlar bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.