خىتاينىڭ كامبودژادىن قايتۇرۇلغان ئانا-بالىلارنى قويۇپ بەرگەنلىكىنىڭ يالغانلىقى بايقالماقتا

خىتاي ج خ مىنىستىرلىقى پەيشەنبە كۈنى بايانات ئېلان قىلىپ، كامبودژادىن قايتۇرۇلغان ئۇيغۇرلار ھەققىدە بىر قىسىم مەلۇماتلارنى بەرگەن. بېرىلگەن مەلۇماتلار ئىچىدە، كامبودژادىن قايتۇرۇلغان ئۇيغۇرلار ئىچىدىكى بىر ئانا ۋە ئىككى بالىنىڭ قويۇپ بېرىلگەنلىكى ۋە ئۇلارنىڭ تۇرمۇشىنىڭ ياخشى ئورۇنلاشتۇرۇلغانلىقى بىلدۈرۈلگەن. ئەمما ئىگىلەشلىرىمىزدىن قارىغاندا، ئەھۋالنىڭ خىتاينىڭ مەزكۇر باياناتتا دېگىنىدەك ئەمەسلىكى بايقالماقتا.
ﻣﯘﺧﺒﯩﺮﯨﻤﯩﺰ ﺷﻮﻫﺮﻩﺕ ﻫﻮﺷﯘﺭ
2010-06-28
ئېلخەت
پىكىر
Share
پرىنت
ﺳﯜﺭﻩﺗﺘﻪ، ﺧﯩﺘﺎﻱ ﻛﺎﻣﺒﻮﺩﮊﺍﺩﯨﻦ ﻗﺎﻳﺘﯘﺭﯗﭖ ﺋﯧﻠﯩﭗ ﻛﻪﺗﻜﻪﻥ 20 ﺋﯘﻳﻐﯘﺭ ﺋﯩﭽﯩﺪﯨﻜﻰ ﺋﺎﺑﺪﯗﻗﺎﺩﯨﺮ ﺋﺎﺑﺪﯗﻏﯧﻨﻰ، ﺋﺎﻳﺎﻟﻰ ﺷﺎﻫﯩﺪﻩ ﻗﯘﺭﺑﺎﻥ، 2 ﻳﺎﺷﻠﯩﻖ ﺋﻮﻏﻠﻰ ﺑﯩﻼﻝ ﺋﺎﺑﺪﯗﻗﺎﺩﯨﺮ ﯞﻩ 1 ﻳﺎﺷﻠﯩﻖ ﻗﯩﺰﻯ ﻣﺎﻳﻤﯘﻧﻪ ﺋﺎﺑﺪﯗﻗﺎﺩﯨﺮ ﻗﺎﺗﺎﺭﻟﯩﻖ ﺑﯩﺮ ﺋﺎﺋﯩﻠﻪ ﻛﯩﺸﯩﻠﯩﺮﻯ.
ﺳﯜﺭﻩﺗﺘﻪ، ﺧﯩﺘﺎﻱ ﻛﺎﻣﺒﻮﺩﮊﺍﺩﯨﻦ ﻗﺎﻳﺘﯘﺭﯗﭖ ﺋﯧﻠﯩﭗ ﻛﻪﺗﻜﻪﻥ 20 ﺋﯘﻳﻐﯘﺭ ﺋﯩﭽﯩﺪﯨﻜﻰ ﺋﺎﺑﺪﯗﻗﺎﺩﯨﺮ ﺋﺎﺑﺪﯗﻏﯧﻨﻰ، ﺋﺎﻳﺎﻟﻰ ﺷﺎﻫﯩﺪﻩ ﻗﯘﺭﺑﺎﻥ، 2 ﻳﺎﺷﻠﯩﻖ ﺋﻮﻏﻠﻰ ﺑﯩﻼﻝ ﺋﺎﺑﺪﯗﻗﺎﺩﯨﺮ ﯞﻩ 1 ﻳﺎﺷﻠﯩﻖ ﻗﯩﺰﻯ ﻣﺎﻳﻤﯘﻧﻪ ﺋﺎﺑﺪﯗﻗﺎﺩﯨﺮ ﻗﺎﺗﺎﺭﻟﯩﻖ ﺑﯩﺮ ﺋﺎﺋﯩﻠﻪ ﻛﯩﺸﯩﻠﯩﺮﻯ.
RFA Photo / Shohret Hoshur

نەزەرباغ يېزىسىنىڭ باشلىقىمۇ ، ئۆزىنىڭ بۈگۈنگە قەدەر يېزىدا يۈز بەرگەن ھەر قانداق بىر ۋەقەدىن خەۋەردار بولۇپ كەلگەنلىكىنى، ئەمما كامبودژا ۋەقەسىنى پەقەت كوچا خەۋەرلىرىدىن ئاڭلىغانلىقىنى ئاشكارىلىدى.

نەزەرباغ يېزىسىنىڭ پارتكوم سېكرېتارى بولسا، بۇ مەسىلىنىڭ سەزگۈر بىر مەسىلە ئىكەنلىكىنى، بۇ ھەقتە مەلۇماتنى بىر دەرىجە يۇقىرى ئورۇندىن سورىشىمىزنى تەۋسىيە قىلدى. ئۇمۇ ئوخشاشلا، ئىككى بالا ۋە بىر ئانىنىڭ مۇۋاپىق ئورۇنلاشتۇرۇلغانلىق مەسىلىسىدە ج خ مىنىستىرلىقىنىڭ باياناتىدا دېيىلگەنلەرنى توغرا ياكى خاتا دەپ ئىپادە بىلدۈرمىدى.

خىتاينىڭ كامبودژا ۋەقەسىدە ئۇچۇرنى قاتتىق كونترول قىلىۋاتقانلىقى باشتىنلا مەلۇم. ئەمما، 2 بالا ۋە بىر ئانىنىڭ باشقا بىر دۆلەتتە تۇتۇلۇپ، ئارقىدىن يۇرتىغا قويۇۋېتىلىشىدەك چوڭ بىر ۋەقەنى يېزا ئەمەلدارلىرىنىڭ بىلمەسلىكى ئېھتىمالدىن ئۇزاق. شۇڭا خىتاينىڭ ئىككى بالا ۋە بىر ئانىنى قويۇپ بەرگەنلىكىنىڭ راس ياكى يالغانلىقىنى ئىسپاتلاش قىيىن بولماقتا.

يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.

پىكىرلەر (0)
Share
تولۇق بەت