Gollandiyide turuwatqan muhajir Uyghurlar memet toxti bilen söhbet ötküzdi

31 - Öktebir yekshenbe küni gollandiyide turuwatqan muhajir Uyghurlar dunya Uyghur qurultiyining yawropadiki wekili memet toxti ependi bilen söhbette boldi.
Muxbirimiz pidaiy
2010-11-03
Élxet
Pikir
Share
Print
Sürette, 31 - öktebir, gollandiyide turuwatqan muhajir uyghurlar dunya uyghur qurultiyining yawropadiki wekili memet toxti ependi bilen söhbettin kéyin xatire süretke chüshmekte.
Sürette, 31 - öktebir, gollandiyide turuwatqan muhajir uyghurlar dunya uyghur qurultiyining yawropadiki wekili memet toxti ependi bilen söhbettin kéyin xatire süretke chüshmekte.
RFA Photo / Pidaiy

Gollandiye Uyghur birliki teshkilatining orunlashturushi bilen amistérdam sheherlik medeniyet öyi binasida ötküzülgen bu söhbette, gollandiyide turuwatqan Uyghur panahliq tiligüchilerning eynen ehwali, duch kéliwatqan qiyinchiliqliri otturigha qoyulup, hel qilish chariliri üstide pikirler bolundi.

Söhbette, siyasiy panahliq tileshning normal yolliri qandaq? némilerge diqqet qilish kérek? panahliq tiligüchilerning qandaq heq - hoquqliri bar? dégendin tartip, lagérlardiki yataq - tamaq we taziliq shara'itlirining nacharliqi, türlük bésimlarning barghanséri köpiyip psixologiyilik tesir qiliwatqanliqi, éhtiyajliq orunlarda qollinilidighan Uyghur tilidiki matériyallarning yoqluqi, til öginish shara'itining yéterlik bolmasliqi qatarliq bir yürüsh mesililer muzakire qilindi.
Süret, 31 - öktebir yekshenbe küni gollandiyide turuwatqan muhajir uyghurlar dunya uyghur qurultiyining yawropadiki wekili memet toxti ependi bilen söhbettiki körünüshi.
Süret, 31 - öktebir yekshenbe küni gollandiyide turuwatqan muhajir uyghurlar dunya uyghur qurultiyining yawropadiki wekili memet toxti ependi bilen söhbettiki körünüshi. RFA Photo / Pidaiy

Teshkilat we shexslerning mes'uliyet we mejburiyetliri insaniyliq, milliy kimlik we diniy angliq nuqtilar boyiche sherhilinip, her bir insanda bolushqa tégishlik ghurur we wijdan tuyghuliri perwish qilindi.

Söhbet qizghin keypiyat bilen ikki sa'ettin artuq dawam qildi. Bu munasiwet bilen pa'aliyet ehlidin inkas alduq.

Memet toxti ependi söhbet axirlashqandin kéyin, Uyghur qérindashlar bilen shu yerge yéqin bir zalda ötküzülüwatqan pelestinni xatirilesh pa'aliyitige teklip bilen qatniship, türkiye we qoshna ellerdin kelgen nopuzluq kishiler bilen körüshti we semimiy dostlashti. Xatire resimge chüshti we shu yer waqti 17 de hemmeylen bilen xoshliship, bélgiyige yürüp ketti.

Yuqiridiki awaz ulinishidin, bu heqtiki melumatimizning tepsilatini anglaysiler.


Toluq bet