ئۇيغۇر رەسسام مەرۋايىت ھاپىز خانىمنىڭ رەسىم كۆرگەزمىسى ئېچىلدى
2011.04.13
ئۇيغۇر رەسسام مەرۋايىت ھاپىز خانىمنىڭ رەسىم كۆرگەزمىسىدىكى تارىخىي رەسىم. 2011-يىلى 10-ئاپرېل، گېرمانىيە.
2011-يىلى 4-ئاينىڭ 10-كۈنى چۈشتىن كېيىن سائەت 2 دە ئېچىلغان ئېچىلىش مۇراسىمىغا، گېرمانىيە زامانداش رەسساملار جەمئىيىتىنىڭ رەئىسى كنۇتىڭگەر ئەپەندى رەپىقىسى بىلەن قاتناشقان ۋە سۆز قىلغان. كېيىن ميۇنخېن پىسكولوگىيە ئاكادېمىيىسى كۆرگەزمە ئىشلىرىغا مەسئۇل مۇدىرى كرۈگەر ئەپەندى، ئادۋوكات ئالبېرت گورىڭ ئەپەندىلەر قاتناشقان ۋە سۆز قىلغان.
بۇلاردىن باشقا فرانسۇز سەنئەتكار فرانكىرا خانىم، نېمىس رەسساملار، رەسىم ھەۋەسكارلىرى ۋە ميۇنخېندا ياشاۋاتقان ئۇيغۇرلاردىن بولۇپ 200 ئەتراپىدا كىشى قاتناشقان. 54 پارچە ماي بوياق رەسىم كۆرگەزمىگە قويۇلغان بولۇپ، رەسىملەرنىڭ كۆپىدە، يىپەك يولىنىڭ ئەڭ مۇھىم تۈگۈنلىرىدىن بىرى بولغان شەرقىي تۈركىستاندىكى تارىخى جايلار، ئۇيغۇرلارنىڭ تۇرمۇشى، مەدەنىيىتى، ئۆرپ ۋە ئادىتى، كارۋانلار، ئەڭ مۇھىمى ئۇيغۇرلارنىڭ تارىخى ئۆيلىرى ئەكس ئەتتۈرۈلگەن. كۆرگەزمە جەمئىي 6 ھەپتە داۋام قىلىدىكەن.
بىز كۆرگەزمە ھەققىدە تېخىمۇ تەپسىلىي مەلۇمات ئېلىش ئۈچۈن نەق مەيدانغا تېلېفون قىلىپ، كۆرگەزمىنىڭ ئېچىلىش مۇراسىمىغا قاتناشقان ئۇيغۇر زىيالىيسى بارات قۇربان ۋە رەسسام مەرۋايىت ھاپىز خانىملار بىلەن سۆھبەت ئېلىپ باردۇق.
كۆپ كۆرۈلگەن خەۋەرلەر
RFA
- ئابدۇۋەلى ئايۇپ: «خىتايغا بېرىپ كېلىۋاتقان ئۇيغۇرلارنىڭ كۆپىيىشى جىددىي مەسىلە!»
- تۇرپان كارىزلىرى: ئۇيغۇرلاردىن ئايرىپ، خىتاي شىركەتلىرىنىڭ پايدىسىغا يۈزلەندۈرۈلۈۋاتقان كارىزلار
- ھامۇتخان كۆكتۈرك: خىتاينىڭ پۇلى بىلەن خىتاينىڭ مېھمانى بولۇپ ۋەتەنگە بارغانلار شەرقىي تۈركىستان دەۋاسىغا خىيانەت قىلغان بولىدۇ
- «ئۇيغۇر» نامىنى ئۆزگەرتىش نېمىگە زۆرۈر بولۇپ قالدى؟
- كىكبوكسچى ئابدۇسەمەت تەۋەككۈل: «نىشانىم دۇنيا چېمپىيونى بولۇپ، شەرقىي تۈركىستاننى دۇنياغا تونۇتۇشتۇر»