Uyghur ressam merwayit hapiz xanimning resim körgezmisi échildi
2011.04.13
2011-Yili 4-ayning 10-küni chüshtin kéyin sa'et 2 de échilghan échilish murasimigha, gérmaniye zamandash ressamlar jem'iyitining re'isi knutingger ependi repiqisi bilen qatnashqan we söz qilghan. Kéyin myunxén piskologiye akadémiyisi körgezme ishlirigha mes'ul mudiri krüger ependi, adwokat albért goring ependiler qatnashqan we söz qilghan.
Bulardin bashqa fransuz sen'etkar frankira xanim, némis ressamlar, resim heweskarliri we myunxénda yashawatqan Uyghurlardin bolup 200 etrapida kishi qatnashqan. 54 Parche may boyaq resim körgezmige qoyulghan bolup, resimlerning köpide, yipek yolining eng muhim tügünliridin biri bolghan sherqiy türkistandiki tarixi jaylar, Uyghurlarning turmushi, medeniyiti, örp we aditi, karwanlar, eng muhimi Uyghurlarning tarixi öyliri eks ettürülgen. Körgezme jem'iy 6 hepte dawam qilidiken.
Biz körgezme heqqide téximu tepsiliy melumat élish üchün neq meydan'gha téléfon qilip, körgezmining échilish murasimigha qatnashqan Uyghur ziyaliysi barat qurban we ressam merwayit hapiz xanimlar bilen söhbet élip barduq.