Абдуллаһ әпәндим: мениң әң әпсуслинидиғиним меһрибан абләтниң сәлбий тәсири

Илтиҗачи меһрибан абләтниң вәтинигә қайтиш тәйярлиқидики учурниң ашкарилиниши билән пүтүн голландийиниң булуң-пучқақлирида, илтиҗа ишлири вә илтиҗачи уйғурларниң ақивити һәққидики муназириләр кәскинләшмәктә.
Ихтиярий мухбиримиз пидаий
2011.12.13

Биз түрлүк тәләп-пикирләргә асасән, әһвалниң пәвқуладдилиқини нәзәрдә тутуп, меһрибан абләт билән елип барған сөһбитимизни пүтүнләш үчүн, у туруватқан туруш орниға, йәни голландийиниң шәрқий шималидики дронтин шәһиригә җайлашқан сиясий панаһлиқ тилигүчиләрниң вақитлиқ туруш орниға 150 километирдин артуқ йол йүрүп бардуқ вә қисқа саламлашқандин кейин, келиш мәқситимизни билдүргинимиздә у зияритимизни рәт қилди. Ахири көп хизмәт ишлигәндин кейин, авазни хатириливалмаслиқ шәрти билән сөһбәтләштуқ.

У баштин-ахири өзиниң алданғанлиқи вә җапа чәккәнликини пәш қилсиму, өзини мушу риязәтләргә муптила қилған алдамчиларни паш қилиш яки вәтәнгә қайтишта ишәнч қилидиған арқа терики һәққидики мәлуматларни ашкарлиялмиди. Буниңдин униң растла зиянкәшликкә учриғучи икәнлики гуман қозғиди.

3 Саәттин артуқ давам қилған сөһбитимиздин хуласиләп ейтқанда; меһрибан абләт исимлик бу қиз дин, тарих, инсанпәрвәрлик, милләт-вәтән, зулум, адаләт, һаят-мамат вә һәтта яшаштики мәқсәттин тартип таки ахирқи тиниқниң мәналириға қәдәр мәзмунлардики һәммә чүшәнчилириниң толиму мүҗмәл икәнликини һес қилғили болидикән, дегән хуласигә кәлгән сөһбәтдашлардин абдуллаһ әпәнди бу һәқтә өз тәсиратини баян қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.