Лондондики кембриҗ университетида оттура асия һәққидә хәлқаралиқ муһакимә йиғини ечилди

Әнглийиниң пайтәхти лондондики кембриҗ университетиниң чурчил оттура асия тәтқиқат инистутида оттура асия һәққидә 12-нөвәтлик хәлқаралиқ илмий муһакимә йиғини ечилди.
Ихтиярий мухбиримиз әркин тарим
2011.09.20
kambrige-uniwersiteside-ottura-asya-yighini-305.jpg Кембриҗ университетиниң оқутқучиси профессор Dr. Edmund Baswart Йиғинниң ечилиш нутқини сөзлиди. 2011-Йили 20-сентәбир, лондон.
RFA/Erkin Tarim

Бу йиғин 9-айниң 20-күнидин 22-күнигичә давам қилмақчи. Кембриҗ университетиниң оқутқучиси профессор доктор әдмин босворс йиғинниң ечилиш нутқини сөзлиди.

Бу йиғинға қазақистан, қирғизистан, өзбекистан, түркмәнистан, әзәрбәйҗан, түркийә, америка қошма штати, германийә вә әнглийә қатарлиқ әлләрдин 250 әтрапида мутәхәссис қатнашти. Мутәхәссисләр йиғинда тил, әдәбият, археологийә,җәмийәтшунаслиқ, хәлқара мунасивәтләр, сиясәт қатарлиқ саһәләр бойичә өз доклатлирини сунмақта.

kambrige-universitsi-yighin-385.jpg
Лондондики кембриҗ университетида ечилған оттура асия һәққидә хәлқаралиқ муһакимә йиғиниға қатнашқучилар. 2011-Йили 20-сентәбир.
RFA/Erkin Tarim

Мәзкур йиғинда уйғурлар һәққидики мақалиләргиму көп орун берилгән болуп, уйғурлар һәққидә мәхсус бир муһакимә соруни айриған.

Бу йиғинға уйғурлардин дуня уйғур қурултийиниң баш катипи долқун әйса, қәләмкәшләр җәмийитиниң башлиқи қәйсәр абдурсул, түркийидин дотсент доктор әркин әкрәм, японийидин илһам мәһмут вә әнглийидин әнвәр тохти қатарлиқлар қатнашмақта.

Биз йиғин һәққидә техиму тәпсилий мәлумат елиш үчүн йиғинға қатнашқучилар билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.