'Муһәббәтниң 10 шәрти' авистралийә киноханилирида қоюлушқа башлиди

Дуня уйғур қурултийи рәиси рабийә қадир ханимниң һаяти вә уйғурларниң әркинлики йолидики паалийәтлирини мәзмун қилған һөҗҗәтлик филим "муһәббәтниң 10 шәрти" бугун 9 ‏ - айниң 4 ‏ - куни кәч саәт 8 дин 45 уткәндә авистралийиниң седний шәһиридики һәйдин офийом киноханисида рәсмий қоюлушқа башлиди.
Мухбиримиз бәхтийар
2009.09.04
Rabiye-Xanim-Filimi-Aswtiraliyide-305.jpg Сүрәт, Youtube торида берилгән, рабийә қадир ханимниң һайати тәсвирләнгән "муһәббәтниң 10 шәрти" намлиқ һөҗҗәтлик филимдин бир көрүнүш.
Youtube Дин елинди.

Бу филим 8 ‏ - айниң 8 ‏ - куни милборин хәлқара филим фистивалда қоюлғандин кейинки түнҗи қитим авистиралийә җамаәтчилики үчүн икранда рәсмий қойолуши болуп, кинохана хадимлириниң ийтишичә, биләт тамамән ситилип болған вә бу филим һәр куни 3 нувәттин 3 күн қойилидикән.

Бүгүнки "муһәббәтниң 10 шәрти" намлиқ филимниң киноханиларда түнҗи қитим қоюлушиға сиеднийдики бир қисим уйғурлар вә филим деректори җеф дәниял қатнашти.

Филим ахирида җеф дәниял әпәнди вә авистралийә уйғур җәмийитиниң рәиси муһәммәтимин әла әпәнди филим кургүчиләрниң соаалириға җаваб биришти. Көпчиликниң рабийә ханимниң һаяти, уйғур хәлқиниң әркинликкә еришиш йолидики паалийәтлири вә хитайларниң зулумлири қатарлиқ мәзмунларни чуридигән соаллири бир саәттин артуқ давамлашти.

Җеф дәнийол әфәндиниң ейтишичә, бу филим мелборин, адилайд, перс қатарлиқ шәһәрләрдиму арқа - арқидин қойилидикән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.