Ослодики тунҗи уйғурчә вивиска

Норвегийиниң пайтәхти осло шәһиридики уйғур ислам мәдәнийәт мәркизи

Ослода уйғур мәсчитиниң ечилғанлиқ хәвири әркин асия радиосида елан қилинғандин кейин, дуняниң һәрқайси җайлирида яшаватқан уйғурлар телефон, елхәт вә интернет сәһипилири арқилиқ өзлириниң сөйүнүшини изһар қилишти вә һәммәйлән бу хәйрлик ишни тәбриклиди. Шуниңдәк явропа әллиридә кам учрайдиған, мәсчит қуруш үчун дөләт өзи иқтисад билән тәмин етидиған бу алаһидә әһвалға қарита қизиқишлирини билдүрүп,мәсчитниң қурулуш җәряни вә бундин кейинки иш пиланлири һәқидә түрлүк соалларни сориди.

Биз бу һәқтики соалларға җаваб елиш вә көпчилик билән ортақлишиш үчүн, уйғур мәсчитиниң идарә оргини болған “уйғур ислам мәдәнийәт мәркизи”ниң қануний вакаләтчиси сәмәт абла әпәндини зиярәт қилдуқ.

Сәмәт абла әпәнди норвегийидики уйғурлар үчүн бир мәсчитниң зөрүрлүки, уйғур ислам мәдәнийәт мәркизиниң қурулуши җәрянида ишләнгән хизмәтләр һәққидә тохталди һәмдә ахирида норвегийидики икки уюшма һәққидә изаһат берип өтти.

Зиялий әркин әпәнди зияритимизни қобул қилип норвегийә һөкүмитиниң уйғур қатарлиқ мусулман милләтлиригә қаратқан диний сияситидин интайин сөйүнгәнликини, уйғурларниң буниң үчун көп тәшәккур билдүрүши керәкликини сөзләп өтти. У йәнә бу җамәниң қурулуши үчүн көп күч чиқарған қериндашларға барикалла ейтти вә рәһмитини билдүрди.