Tajawuzchining illetliri we tajawuzgha uchrighan milletning xisletliri

Zérikkende téléwizorning 77‏ - qanalni ichip tarixi témilarni bolupmu 2‏ - dunya urushining tarixini hewes bilen körimen. Tajawuzchi bilen tajawuz qilin'ghan milletler otturisidiki urush tarixi mini chungqur oylargha yétekleydu.
Obzorchimiz sidiq haji rozi
2008-08-19
Share

 Tajawuzchi millet, ikkinchi bir millet olturaqlashqan rayonlargha yaki döletlerge tajawuz qilghanda meniwi jehette qandaq küchke we némige tayinidu? tajawuzchi millet meniwi jehette kéngeymichilik, térritoriye we zémin igilesh qara niyetlirini "qehrimanliq", "baturluq"  deydighan  exlaq -  pezilet ibarilirige niqablap, öz dölitining puqralirini kéngeymichilikke qiziqturup, olja ‏ -  menpe'etke érishtürüshte wede bérip, seperwerlikke chaqiriq qilip, tajawuzchiliq qara niyitini  jama'et pikrining himatigha tapshurup bashqa millet we döletlerge tajawuz qilishning idiyiwi teyyarliqini qilidu. Hetta tajawuzchliqni "wetenperwerlik" dep, yene hetta tajawuzchiliqni "azat qilduq" dep teripleydu. "Tibetni azat qilduq", " Uyghuristanni azat qilduq " dep hazirghiche kapship yürgen xitay tajawuzchiliri 20‏ - esirning 40‏ - yillirida tajawuzchi döletler qatarida eng tipik tajawuzchi bolup chiqqan.

Tajawuzchi millet ikkinchi bir milletke yaki döletke tajawuz  qilghanda maddi jehette némige tayinidu? öz millitini chaqiriq bilen ittipaqlashturup, mislisiz teshkili kuch we yéterlik urush xirajiti, maddi teyyarliqlarni püttürüp, alahide dölet küchi -  herbi kuch teyyarlaydu. Oxshashla bir waqitta tajawuzchiliqni qollashni qolgha keltürüsh üchün déplomatik desmaye teyyarlashqimu ülgüridu. Mesilen 2‏ - dunya urushi mezgilide polsha jumhuriyitini otturida yemchük qilip tajawuzchiliqqa teyyarliq qiliwatqan ikki dölet  -  gérmaniye we sabiq sowétler hökümiti öz ‏ -  ara bir - birining déplomatik qollishini qolgha keltürüshken emesmidi? undaqta tajawuzchiliqqa uchrighan milletlerning xisletliri qandaq bilidu?

Gérmaniye armiyisi eyni chaghda fransiyige tajawuz qilip kirgendin kéyin qehriman fransiye xelqi shiddetlik qarshiliq körsetken. Fransiye partizanliri, gérmaniye armiyisining paydilinishi mumkin bolghan barliq asasi qurulush eslihelirini partlitip , hetta bir tal serengge bilen ot qoyup köydürüp gérmaniye armiyisini halsiratqan, jümlidin, tömür yol, tashyol, pochta ‏ -  télégraf , éqin deryagha sélin'ghan köwrükler, qatnash üstidiki aptomobillar, yaghach - tash, paxta, yung iskilatliri, bénzin  - senerke iskilatliri, yéqilghu toshuydighan poyiz wagonliri, herbiy ishlonlar qatarliq istratégiyilik maddiy eshya iskilatlirigha qoralliq , bezi hallarda bir tal serengge bilen hujum qilip gérmaniyining tajawuzchi armiyisige ejellik zerbe bergen emesmidi? ittipaqdash armiye normandida quruqluqqa chiqqandin kéyin fransiye xelqi armiye teshkillep digolni généralliqqa teyinlep, fashizmgha qarshi urushning ghelibisini qolgha keltürgen emesmidi? shu waqitta fransiye xelqi herbiy qoral -  yaraqqa qandaq irishken idi?

Fransiye xelqi herbi qural -  yaraqni asasen gérmaniye armiyisining qolidin tartip alatti.Tuyuqsiz hujum qilatti . Ölgen gérman armiyisining qolidin qoral - yaraq partizanlarning qoligha ötetti.Elwette buning üchün fransiyining oghul - qizliri qurban bérip bedel töleyti. "Kona miltiq" kino filimi del shundaq détalgha asaslinip ishlen'gen emesmidi?

Tajawuzchi milletning illetliri üstide toxtalghandin kéyin emdi tajawuzchi milletning xisletliri üstide toxtalsaq,  tajawuzchi milletning ikkinchi bir döletke qoralliq herbiy tajawuz qilip kirishi, emeliyette tajawuz qilin'ghan döletlerge herbiy qoral - yaraq élip kirishi dégenliktur. Dunyaning urush tarixida herbiy qoral - yaraqning muqim igisi bolghan emes. Herbiy qoral - yaraq bir kimning qolidin chüshkende , yene bir kimning qoligha chiqip étiliwergen. Mesilen, eyni chaghda fransiyining tajawuzchi armiyisi aljiriyige, hindonéziyining tajawuzchi armiyisi sherqi tömürge, rusiyining tajawuzchi armiyisi chichéniyige, en'giliyining tajawuzchi armiyisi hindistan'gha, yaponiyining tajawuzchi armiyisi junggogha, xitay gomindangning tajawuzchi armiyisi mustemlike Uyghuristan'gha herbiy qoral - yaraq élip kirip, mezlum xelqlerni qorallandurghan emesmidi?

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet