Saqchilar toghra ishiktin chiqalmaydighan, keyni ishikidin tikiwétidighan boldi

 Muxbir mundaq körsetti: insan ölümdin qorqmighanda, insanni yene ölüm bilen qorqutush mumkinmu?yangjiya palwan nöwette liyangshen baturigha aylandi. Xitay puqraliri uningdin öginishke chaqiriq qilishqa bashlidi.I'ane toplap uning axiretlikige teyyarliq qilishni bashliwetti. Muxbir 3‏ - derijilik saqchi mehkimisining emeldari shang mingdé ependini ziyaret qilghanda bu kishi mundaq ashkarilidi: her qaysi jaylarda saqchilar bixeterlikni kücheytti.

Qorqup ketken saqchilar hetta türmidin qoyup bergen jinayetchilerni qoghdighuchi qilip yallap élishti. Saqchilar saqchi formisi kiyip kochigha chiqalmaydighan, kochigha chiqishqa toghra kelse, arqa ishiktin tikiwitidighan boldi. Ohoy! ehwal shu derijige yetken bolsa, prolétariyat diktatorisining pulat qorghini shu ehwalgha chüshüp qaldimu? ajayip ishqu - bu? eslide xelqni qoghdaydu - dep teshwiq qilinidighan xitay saqchiliri emdi bügün némishqa özini qoghdaydighan bu halgha chüshüp qaldi?

Yangjiya palwanning bir pichaq bilen shangxeyde saqchixanigha hujum qilishi 6 neper saqchini öltürüp 4 neper saqchini yaridar qilishi kommunist saqchilarni wehimige sélip qoydi. Muxbir mundaq körsetti: lékin xitay puqraliri yangjiya palwan'gha heshqalla éytip, yangjiya palwanning 1‏ - qewettin 9‏ - qewetke, 9‏ - qewettin 21‏ - qewetke chiqip saqchilarni öltürgenlikini xitay puqraliri 1921‏ - yili 7‏ - ayning 1‏ - küni kommunist partiye qurulghan kün'ge toghrilap chüshendürüp, öltürülgen saqchining 6 neper,yarilandurulghan saqchining 4 neper bolushini, tarixi heriket 4‏ - iyun'gha baghlap chüshendürüp, xitay puqraliri intayin sirliq hikmetlerge tolghan jama'et pikri teyyarlidi.

Jama'et pikrining bésimigha berdashliq bérelmigen xitay hökümiti ölgen saqchini 6 neper, yaridar bolghan saqchini 5 neper dep doklat qilishqa mejbur boldi.

Tiléwiziye muxbiri mundaq körsetti:1999‏ - yili junggoda omumyüzlük basturush yolgha qoyulghandin kéyin,xitayning saqchi ministirliqi 610‏ - nomurluq ishxana qurup
Insan tebi'itini zor kölemde yoqitish pa'aliyitini bashliwetken. Teptish, ediliye musteqil organ bolalmayla qalmastin hetta ediliye omumning hoquqini nazaret qilish fonkissiyisinimu yoqitip, partiyining sözinila anglap döletning qanunini xususning a'iliwi qanunigha aylandurup qoyushi, saqchilarning junggoda banditqa aylinip kétishining asasliq sewebidur.
 Tiléwiziye muxbiri mundaq körsetti: bir döletning ediliye sistémisi öz xelqige ziyankeshlik qilidighan qoralgha aylinip qaldi. Xelqqe bésim ishlitiwerseng xelq haman qozghulup qarshiliq körsitidu.

Yangjiya palwanning shangxeyde saqchilarni öltürüshidin chöchüp ketken wang léchüen, qorqup awwal mush kötürüp ürümchide 8‏ - iyul weqesini peyda qilip, bandit xitay saqchilirining heywisini Uyghurlargha körsitip qoymaqchi boldi.10 Neper saqchining shangxeyde bir neper yangjiya palwan'gha taqabil turalmighanliqi kishilerni külkige qistaydu. "Haling shumidi xitay hökümranliri" déyishke mejbur bolimiz.

Mustemlike Uyghuristanda xitay saqchilirining zorawanliqi chékidin éship ketti. Gunahsiz Uyghur gödeklerni diniy teblix qilghanliqi üchünla öyge basturup kirip qirghin qildi. Qirghin qilish arqiliq wang léchüen Uyghurlargha xitay saqchilirining heywisini körsitip qoymaqchi boldi. Qolida qorali yoq bigunah kishilerni öltürgen saqchilarning qanchilik heywisi bolsun? wang léchüen janabliri herbiy qoral - yaraq ademni perqlendürmeydu, milletni perqlendürmeydu, kimning qoligha chiqsa étiliwéridu. Bundaq ishlarning yüz bérishini waqit belgilep qoyidu, tinch yol bilen hel qilishqa bolidighan ishlarni némishqa qoral kochigha tayinip hel qilimiz? wang léchüen yenila oq bilen jawab qayturdi. Men peqet bu dölet sende turmas wang léchüen, bu meynet mende deymen, xalas.