Pakistan Uyghurlargha qarshi xitaygha yardem béridighanliqini yene bir qétim élan qildi

Pakistan ichki ishlar ministiri raxman malik, xitaygha, Uyghur diyaridin pakistan'gha kélip, yoshurun'ghan Uyghurlargha qarshi xitay bilen hemkarlishidighanliqigha wede berdi.
Ixtiyariy muxbirimiz arslan
2011.09.29
pakistan-raxman-malik-meng-jianzhu-305.jpg Pakistan ichki ishlar ministiri réxman malik ming jenjuni qizghin kütüwaldi we medhiyilidi. 2011-Yili 26-séntebir.
AFP

Pakistan ichki ishlar ministiri raxman malik, pakistanni ziyaret qilghan xitay dölet jama'et xewpsizlik ministiri ming jyenju bilen islam'abadta uchrashti we ikki dölet otturisidiki munasiwetlerni kücheytish, chégra bixeterlikini qoghdash we térrorluq mesilisini tilgha élip “Sherqiy türkistan islam herikiti” dégen teshkilatqa qarshi hemkarlishidighanliqi toghrisida söhbetleshti.

Pakistanda chiqidighan “Ékisprés” namliq gézitining bügünki xewiride bildürüshiche, 27-awghust seyshenbe küni xitay jama'et xewpsizlik ministiri ming jyenju pakistanni ziyaret qildi. Pakistan ichki ishlar ministiri raxman malik ming jyenju we hemrahliri bilen islam'abadta uchrashqan, bu uchrishishta ikki terep asasliqi ikki dölet munasiwetliri, nöwettiki weziyette bixeterlikni qoghdash, ikki dölet hemkarliqini kücheytish, sherqiy türkistan islam herikiti dégen teshkilatqa ortaq qarshi turush, pakistanning sel apitige uchrighan rayonlirigha yardem bérish toghrisida söhbetleshken.

Uchrishishtin kéyin raxman malik bayanat élan qilip, “Xitayning düshmini pakistanningmu düshmini, xitayning dosti pakistanning dosti, shinjangdiki sherqiy türkistan islam herikitige qarshi hemkarliship birlikte heriket qilimiz, bixeterlikni qoghdashta ikki dölet hemkarliqni kücheytimiz, pakistan zéminini her qandaq birining xitaygha qarshi qollinishqa ruxset qilmaymiz”, dégen.

Pakistanda chiqidighan “Jeng” gézitining xewiride bildürülüshiche, pakistan ichki ishlar ministiri raxman malik bayanat élan qilip, “Her qandaq weziyette pakistan zéminini xitaygha qarshi qollinishigha ruxset qilmaymiz, sherqiy türkistan islam herikiti we özbékistan islam herikiti teshkilatigha bu yerde héch qandaq purset yoq”, dégen. Raxman malik sözide yene xitayning pakistan dölet bixeterlik idarisi üchün 8 milyon yüen we kéreklik esliheler yardem qilidighanliqini ilgiri sürdi.

Xewerde bildürüshiche, ming jyenju, pakistanning bixeterliki we musteqilliqini himaye qilidighanliqigha wede bergen hem pakistan chégrasini qoghdashta hemkarlishidighanliqini bildürgen.

Pakistanning “Ékisprés” gézitining xewiride bildürüshiche, xitay dölet jama'et xewpsizlik ministiri ming jiyenju, xitayning pakistan bilen bolghan munasiwitige intayin ehmiyet béridighanliqini we xitay pakistanning bixeterlikini qoghdash üchün 8 milyon yüen yardem béridighanliqini bildürgen.

Pakistanda chiqidighan “Bügün” gézitining xewiride bildürüshiche, ming jyenju yene rawalpindi shehirini ziyaret qilip, pakistan générali eshfaq perwiz kiyani bilen uchrashqan, emma uchrishishning tepsilati toghrisida melumat bérilmigen.

Diqqet qilishqa tégishlik muhim nuqta shuki, ming jyenjuning bu ziyariti, amérika pakistan munasiwitide sürkilish peyda boluwatqan bir peytke toghra keldi.

Bundaq bir weziyette ming jyenjuning pakistanni ziyaret qilishi we pakistanning bixeterliki hem musteqilliqini himaye qilidighanliqigha wede bérishi we pakistan chégrasini qoghdashta hemkarlishidighanliqini bildürüshi mutexessislerning diqqitini tartti.

Türkiye axbarat wasitiliride bu heqte élan qilin'ghan uchurlarda, “Pakistan Uyghurlargha qarshi xitayning sépige ötti”, “Pakistan, xitay bilen qarshilishiwatqan musulman militanlargha qarshi urush qilidu”, “Pakistan Uyghur türkliri bilen qarshilishishta xitaygha yardem berdi”, “Xitayning Uyghurlargha zulumi qilishigha pakistandin yardem tegdi”, dégen'ge oxshash témilarda uchur tarqitildi we pakistan eyiblendi.

Biz, xitay-pakistan munasiwetliride Uyghur mesilisi toghrisida pikir-qarashlirini élish üchün, xelq'ara munasiwetler mutexessisi, doktor abdulhemit awshar ependi bilen söhbet élip barduq. Abdulhemit awshar ependining qarishiche, xitayning Uyghurlarni basturush üchün pakistan'gha yéqinlishiwatqanliqini, pakistanning bir tereptin hindistanning tehditidin qutulush we amérika bilen bolghan munasiwetliride sürkilish peyda bolghandin kéyin xitaygha téximu yéqinliship, öz munasiwetlirini kücheytishke urunmaqta. Xitay héch qachan bashqilarning menpe'iti üchün öz menpe'itidin waz kechmeydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.