Қағилиқтики сирлиқ ' иссиқ өтүп кетиш ' вә ' қорқуп кетиш ' вәқәси

Өткән йили хитайда сүт парашуки вәқәси йүз бәргәндин кейин, йимәк-ичмәк мәһсулатлириниң сүпити мәсислиси хитайда сәзгүр бир мәсилигә айланди. Чүнки сүт парашуки вәқәси хитайға зор тиҗарий зиян кәлтүрүпла қалмай хитайниң иҗтимаий қатлам вә сиясий түзүлмисидики бир қатар аҗизлиқларни ашкарилап қойған иди.
Мухбиримиз шоһрәт һошур
2009-06-23
Share
uyghur-boway-305.jpg Уйғур кочилириниң биридә кетип барған уйғур бовай.
RFA Photo

Бу қетим қағилиқ наһийисидә йүз бәргән бир вәқә хитайда йимәк - ичмәк мәһсулатлириниң сүпити мәсилисидики сәзгүрлүкни йәнә бир қетим ашкарилиди.

Вәтән ичидики уйғур тор бәтлиридин биридә ашкарилинишичә, қағилиқ наһийисидә 8 нәпәр оқуғучи чока муздин зәһәрлинип өлгән, 180 дин артуқ оқуғучи җиддий қутқузуш болумидә қутқузувелинған.

Қағилиқ наһийилик аяллар бирләшмиси вәқәниң йүз бәргәнликини етирап қилди.

Лоқ йезисиниң йеза башлиқи өмәр әли вәқәниң йимәкликтин зәһәрлиниш вәқәси икәнликини инкар қилди. У пәқәт вәқәни аптапта "иссиқ өтүп кетиш вә қорқуп кетиш вәқәси" дәп чүшәндүрди. Йезилиқ партком секритари әркин сәмәтму вәқәни пәқәт "иссиқ өтүп кетиш вәқәси" дәп чүшәндүрди.

Хитай әмәлдарлири иҗтимаий мәсилиләрни бир тәрәп қилишта, мәсилигә әмәлий тәдбир қоллинишни әмәс, мәсилини йошурушни асаслиқ чарә дәп қаримақта. Бу қетим қағилиқтики даириләр оттуриға қойған оттура мәктәп оқуғучилириға иссиқ өтүп кетиш вә қорқуп кетиш вәқәси мана бу нуқтидин гуманлиқ көрүлмәктә. Чүнки вәқәдики бимарларниң кесәллик аламәтлири йимәктин зәһәрлинишкә йеқин көрүлмәктә.

Биз келәр қетимлиқ программимизда, вәқәниң иссиқ өтүп кетиш яки йимәктин зәһәрлиниш икәнликигә аит кәспий мутәхәссисләрниң қарашлирини аңлитимиз.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт