Uyghur changgha tenheriketchisi 7-qétimliq qishliq asiya tenheriket musabiqiside yaxshi netije qazandi

Qazaqistanliq Uyghur changgha téyilish mahiri hesen toxtaxunof. 2011-Yili féwral.

6-Féwral küni almata shehirining "balu'an sholaq" namidiki tenterbiye we medeniyet sariyida bir heptige sozulghan 7-qétimliq qishliq asiya tenheriket musabiqisining yépilish murasimi bolup ötken idi.

Uninggha qatnashqan qazaqistan prézidénti nursultan nazarbayéf asiya oyunlirini küch, güzellik we aliyjanabliqning ghelibe tentenisi dep atap, qazaqistan tenheriketchilirining omumiy hésabta yaxshi netijilerni körsetkenlikini alahide tekitlidi.

Melumatlargha qarighanda, mezkur asiya musabiqisining yeküni boyiche qazaqistan birinchi, yaponiye ikkinchi, jenubiy koriye üchinchi, xitay tötinchi orunlarni igiligen.

Uyghur tenheriketchi hesen toxtaxunof köp qétim qazaqistan we xelq'aradiki musabiqilerge qatniship, yaxshi netijilerni qolgha keltürgen idi.