“Dunya sherqiy türkistanliqlar qérindashliq uchrishish yighini” da otturigha qoyulghan pikir we teklipler

3-Nöwetlik “Dunya sherqiy türkistanliqlar qérindashliq uchrishish yighini” türkiyining bolu shehirige qarashliq mudurnu sayahet rayonidiki bir méhmanxanida dawam qiliwatidu.
Ixtiyariy muxbirimiz arslan
2011.06.27
turkiye-yighin-305.jpg 3-Nöwetlik “Dunya sherqiy türkistanliqlar qérindashliq uchrishish yighini” türkiyining bolu shehirige qarashliq mudurnu sayahet rayonidiki bir méhmanxanida dawam qilmaqta. 2011-Yili 24-iyun.
RFA/Arslan

Bu yighin bügün, yeni 24-iyun küni 6-künige qedem qoydi. Bu yighinda her xil témilarda doktor we proféssorlar, Uyghur ziyaliyliri söz qilghan bolup, yighinda bashtin axiri qérindashliq munasiwetni kücheytish, öz ara hemkarlishish we hemkarliqni kücheytish mesilisining asasiy téma bolghanliqi melum.

Bügünki yighinda asasliqi yighin'gha qatnishiwatqan 80 din artuq yighin ishtirakchiliri 4 guruppigha ayrildi we néme toghrisida hemkarlishish? hemkarliqni qandaq kücheytish? qandaq hemkarlishish?  qaysi sahede hemkarlishish imkaniyiti mewjut? dégen'ge oxshash témilar boyiche muzakire qilindi we bu heqte otturigha qoyulghan pikir-teklipler xatirige élindi.

Biz bu yighinda hemkarliq toghrisida otturigha qoyulghan pikir-teklipler toghrisida toluq melumat élish üchün yighin'gha qatnishiwatqan bir qisim Uyghur ziyaliyliri bilen söhbet élip barduq.

Bu yighin'gha qatnishiwatqan Uyghur ziyaliy abdulla haji bu heqte otturigha qoyulghan pikir tekliplerni bayan qilip mundaq dédi: hazirche bu yighinda asasliqi 4 türlük sahede hemkarlishish toghrisida pikirler otturigha qoyuldi, bulardin 1-telim-terbiye saheside hemkarliq qilish. 2-Teshwiqat we axbarat saheside hemkarliq qilish. 3-Dini dewet we söhbet yighini uyushturushta hemkarliq qilish. 4-Iqtisadiy sahede hemkarliq qilish dégen'ge oxshash töt sahede hemkarlishish toghrisida pikirler otturigha qoyuldi.

Biz yene bu yighin'gha qatnishiwatqan dunya Uyghur qurultiyining dini ishlar mudiri turghunjan alawuddin qatarliq bir qisim erbablar bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.