Истанбулда қуран оқуш мусабиқиси

Қуран кәрим аллаһ тәрипидин муһәммәд әләйһиссаламға назил болған самави китаб. Қуран кәримни ядлаш һәммә кишигә несип болмайду, бәлки бирәр җәмийәт яки райондин бир қанчә санақлиқ кишигила нисп болиду.
Мухбиримиз арислан
2009-09-07
Share
Istanbulda-Uyghur-qarilar-musabiqisi-305.jpg Сүрәт, 2009 ‏- йили 9 ‏- айниң 5 ‏- күни шәрқий түркистан маарип вә һәмкарлиқ җәмийитиниң уйуштуруши вә шәрқий түркистан вәхпиниң саһибханлиқ қилиши билән елип берилған уйғур қарийлар арисида қуран оқуш мусабиқисидин бир көрүнүш.
RRA Photo / Arslan

Башқа мусулман милләтләрдә қуран ядлиған қарийлар болғандәк уйғур мусулманлири ичидиму қарийлар мәвҗут, игилинишичә истанбулда яшаватқан уйғурларниң ичидә 15 нәпәр рәсмий диплом алған қарий бар икән.

2009 ‏- Йили 9 ‏- айниң 5 ‏- күни шәрқий түркистан маарип вә һәмкарлиқ җәмийитиниң уюштуруши вә шәрқий түркистан вәхпиниң саһибханлиқ қилиши билән уйғур қарийлар арисида қуран оқуш мусабиқиси елип берилди. 30 Парә қуранни толуқ яда елип диплом алған 10 нәпәр уйғур қарий мусабиқигә қатнашти. Қарийларниң ичидин йеши чоң болған 3 нәпәр қарий мусабиқини баһалап номур қойди. 7 Нәпәр уйғур қарий мусабиқигә қатнашти. Мусабиқигә истанбулда яшаватқан уйғурларму тәклип қилинған болуп 400 дин артуқ киши иштирак қилди.

Мусабиқидә 30 парә қуранниң халиған йеридин соал сораш вә тиз сүрәттә җаваб бериш, қуранни йеқимлиқ қираәт қилиш түрлири бойичә емтиһан елинди. Нәтиҗидә 3 нәпәр уйғур қарий 1 ‏- 2 ‏- 3 ‏- дәриҗилик мукапатқа еришти. 4 Нәпәр қарий 4 ‏- дәриҗилик мукапатқа еришти.

1 ‏- Дәриҗилик мукапатқа, сүрийидин келип мусабиқигә қатнашқан шәмсидин исимлик қарий еришип бир тал түркийә җумһурийәт алтуни мукапати алди. Бир тал алтун 200 америка доллири қиммитигә тәң, түркийидә оқуп қарийлиқ диплом алған әкрәм исимлик қарий 2 ‏- дәриҗилик мукапатқа еришип йерим түркийә җумһурийәт алтуни мукапат алди. Мисирда оқуп диплом алған абдусалам қарий 3 ‏- дәриҗилик мукапатқа еришип чарәк җумһурийәт алтуни мукапат алди. Риғбәтләндүрүш мукапатиға абдумәннан қарий, муса қарий, абдувели қарий вә мәмәтйүсүп қарийлар еришкән болуп, буларға қиммәтлик маддий боюмлар тәқдим қилинди. Мукапатни мурасимға қатнашқан уйғур пешқәдәм‏ шәхсләр бир ‏- бирләп тәқдим қилди.

Мусабиқә ахирида пешқәдәм вәтәнпәрвәр зат сәләйһаҗим артиши сөз қилип, бу мусабиқини уюштурушта маддий вә мәнивий җәһәттин қоллап ‏- қуввәтлигән шәхсләргә тәшәккүр ейтти вә яшларға нәсиһәт қилди. Ахирида иптар зияпити берилди.

Биз мусабиқә ахирлашқанда, шәрқий түркистан маарип вә һәмкарлиқ җәмийитиниң баш катипи доктур алимҗан билән бу мусабиқә һәққидә сөһбәт елип бардуқ.

Юқиридики аваз улинишидин, бу сөһбитимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт