Dr.Réychél harris xanimning ' on ikki muqamni qéliplashturush` namliq esiri en'gliyide neshirdin chiqti

Birleshken döletler teshkilati pen - medeniyet komitéti yeni unesko teripidin on ikki muqam qoghdilidighan medeniy miraslar qatarigha kirgüzülgendin kéyin, gherb döletliridiki muzikashunaslar on ikki muqamni xitaylar qandaq qoghdawatidu? 2006 - yili xitay hökümiti on ikki muqamni qoghdash heqqide chiqarghan qararlirigha ri'aye qiliwatamdu? dégen'ge oxshash mesililerge köngül bölüsh bilen birge, on ikki muqam heqqide eserler yézip neshir qildurmaqta.
Muxbirimiz erkin tarim
2008-11-27
Élxet
Pikir
Share
Print
Dr.Réychél harris xanimning yéqinda neshirdin chiqqan ' on ikki muqamni qéliplashturush` namliq esirining muqawisi.
Dr.Réychél harris xanimning yéqinda neshirdin chiqqan ' on ikki muqamni qéliplashturush` namliq esirining muqawisi.
RFA Photo / Erkin Tarim / Book author Rachel Harris

Manabu muqam söyerlerdin biri london uniwérsitéti asiya we afriqa inistituti muzika oqutquchisi dr.Réychél harris xanimdur.

Dr.Réychél harris xanim yazghan `on ikki muqamni qéliplashturush` isimlik kitab yéqinda en'gliyining london shehride neshir qilin'ghan. Kitabta, Uyghur on ikki muqamining qéliplishish tarixi we qéliplishish jeryani bayan qilin'ghan bolup, töwendiki mezmunlarni öz ichige alghan.

Bular kirish söz, Uyghur muzikisi heqqide melumat, on ikki muqamni qéliplashturush tarixi, muqam ustisi abdullah majnun, on ikki muqamni qéliplashturush heqqide munaziriler, on ikki muqamni qéliplashturush, izahatlar, qoshumche melumatlar, bibli'ografiyidin ibaret.

Kitabning aptori dr. Réychél harris xanim bu kitabni yézish üchün köp qétim, Uyghur diyarigha, özbékistan'gha, qazaqistanlargha bérip dangliq Uyghur muqamchiliri we elneghmichiliri bilen uchriship Uyghur on ikki muqami heqqide matériyal toplighan. U bizge bergen melumatida bu kitabta Uyghur on ikki muqamining qéliplashturulush tarixi bayan qilin'ghan bolup, u kitabida Uyghur on ikki muqamining qéliplashturulush tarixining 100 yil burunla bashlan'ghanliqini, yeni 1918 - yili qazaqistanda qurulghan Uyghur sen'et guruppisi bilen bashlan'ghanliqini éytti.

Dr. Réychél harris xanim buningdin birqanche ay burun amérikiliq bir mutexessisning Uyghur on ikki muqamining tékisti heqqide bir kitab yazghanliqini, özi yazghan bu eserde bolsa on ikki muqamning muzikisini tetqiq qilghanliqini éytti.

Bu xil kitablarning Uyghur medeniyitini dunyagha tonushturush üchün intayin muhim ikenlikini emma yéterlik emeslikini éytqan kitabning aptori dr. Réychél xarris xanim, téléfon ziyaritimizni qobul qilip, kitab heqqide téximu tepsili melumat berdi.   

Yuqiridiki awaz ulinishidin, bu heqtiki tepsili melumatimizni anglaysiz.

Toluq bet