Se'udi erebistandiki muhajir tewekkul hajim we uning ish - izliri

Chünki tewekkul hajimning Uyghurlarning jama'etchilik ishlirigha yürektin xizmet qilishtek xisletliri hergiz untulmaydu.

Se'udi erebistanining mekke mukerreme shehiride turushluq ehmed mömin ependi tewekkul hajim heqqide söhbitimizni qobul qilghan idi.

Ehmed mömin bilen söhbet

Ehmed mömin ependi tewekkul hajimni tonushturup mundaq dédi: " tewekkul hajim chet'elge yol échilghandin kéyin tunji qétim chet'elge chiqqanlardin biri bolup, se'udi erebistandiki Uyghurlarning meshhurliridin we tépilmaydighan biri idi. Tewekkul hajimning hayatini bir ikki söz bilenla chüshendürüsh qiyin. Méning "heremdiki meshhur Uyghurlar " dégen maqalemning 16 - qismini oqughanda tewekkul hajimni tepsilati bilen toluq bilgili bolidu . Men uningda tewekkul hajimni tepsiliy tonushturghan idim."

Tewekkul hajimning ish - izliri

Ehmed mömin ependining éytishiche, tewekkul hajim 1944 - yili qeshqer sheher ichide bir sodiger a'iliside dunyagha kelgen iken. 1981 - Yili tewekkul hajimni se'udi erebistanining jidde shehiridiki dadisi abduréhim hajim qeshqerdin köchürüp élip chiqip, türkiyining istanbul shehirige yerleshtürgen iken. Tewekkul hajim 1985 - yili türkiye puqraliqigha ötkendin kéyin, se'udi erebistanigha kélip jidde shehirining "babi mekke" diki dukinida dadisi bilen birge ishligen. Tewekkul hajimning istanbuldiki4 yilliq hayati asasen türkiye puqraliqini élish ishliri bilen ötken bolup, bu arida özining ijtima'iy munasiwet qurush sewiyisining yoqiriliqidin türkiyide bu kishi tonumaydighan Uyghur yoq diyerlik idi. Tewekkul hajim 16 yilliq se'udi erebistanida turush hayatida Uyghur jama'etchiliki otturisida xéli yüksek derijide yüz - abroy tapqan kishi idi. Bu, u kishining Uyghurlar ishigha yürektin köngül bölidighanliqi, Uyghurlar ara qaram - qatnash ishlirida we Uyghur mesililiride aktip ikenliki, shundaqla ijtima'iy munasiwetlerge mahir ikenlikidin bolsa kérek. Hetta se'udi erebistanigha 60 - 70 yil burun kélip yerliship qalghan bezi Uyghurlarmu tonimighan Uyghurlarni tewekkul hajimdin soraydikenmish.

Tewekkul hajimning wapati

Tewekkul hajim dadisidin qalghan ayaq sétish dukinida ishlep yürüp 2003 - yili 9 - mart küni se'udi erebistanining jidde shehiride 59 yéshida méngisige qan chüshkenlik sewebi bilen alemdin ötti.

Yuqiridiki awaz ulinishidin, bu heqtiki melumatimizning tepsilatini anglaysiler.