3-Nöwetlik dunya sherqi türkistanliqlar qérindashliq uchrishish yighini dawam qilmaqta

3-Nöwetlik dunya sherqi türkistanliqlar qérindashliq uchrishish yighini türkiyining bolu shehirige qarashliq mudurnu sayahet rayonida dawam qilmaqta.
Ixtiyariy muxbirimiz arslan
2011.06.22
Sirajidin-Ezizi-ependi-305.jpg Se'udi erebistandin kelgen Uyghur ziyaliysi sirajidin ezizi ependi yighinda soz qildi. 2011-Yili 22-iyun.
RFA/Arslan

Bügün yeni, 22-iyun küni bu yighin 4-kün'ge qedem qoydi, bügünki yighin etigen sa'et 10:00 da bashlandi. Yighinda se'udi erebistandin kelgen jama'et erbabi, se'udi erebistan jidde radi'osining türkistan bölümide jurnalistliq we tetqiqat bilen shughulliniwatqan Uyghur ziyaliysi sirajidin ezizi ependi, “Islam dunyasidiki hemkarliqtin otturigha chiqqan teshkilatlar tarixi” dégen témida söz qildi.

Bügünki yighinda yene shwétsariyidin kélip yighin'gha qatnishiwatqan Uyghur kompyutér mutexessisi abdushükür ependi, “Kompyutér uchur bixeterliki” dégen témida söz qildi.

Kéyin yene norwégiyidin kélip yighin'gha qatnishiwatqan Uyghur ziyaliy ataxan ependi özining hayattiki hemkarliqtin qolgha kelgen netijilirini we tejribe sawaqlirini sözlep berdi we öz ara hemkarliq qilishning ehmiyiti toghrisida toxtaldi.

Bügünki yighindimu asasliqi, teshkillinishte hemkarliq qilish, telim-terbiye saheside hemkarlishish, ijtima'iy xizmetlerde hemkarlishish, kompyutér, intérnét uchur saheside hemkarlishish dégen'ge oxshash pikir-qarashlar otturigha qoyuldi.

Biz bu yighin heqqide yighin'gha qatnishiwatqan bir qisim Uyghurlarning pikir-qarashlirini alduq.

Yighin'gha qatnishiwatqan dunya Uyghur qurultiyining dini ishlar mudiri turghunjan alawuddin bu yighin heqqidiki pikir qarashlirini ipadilep mundaq dédi: “Biz yene téximu köp melumatqa érishish üchün qazaqistandin kélip yighin'gha qatnishiwatqan Uyghur ziyaliysi ruslan ependining pikir qarashlirini alduq.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.