Uyghur siyasiy pa'aliyetchiliri xitay hökümitining siyasitige taqabil turush heqqide yéngi pikirlirini yürgüzdi
2011.03.31

Chet'ellerde yashawatqan Uyghurlar, bolupmu Uyghurlarning ma'arip, din we kishilik hoquq qatarliq siyasiy hoquqlirini qoghdash üchün amérika hemde gherb elliride pa'aliyet élip bériwatqan siyasiy teshkilatliri, hemde Uyghur ziyaliyliri xitay hökümitining qosh til ma'arip siyasiti, Uyghur yashlirini ishqa orunlashturush bahaniside xitay ölkilirige yötkesh, Uyghurlarning diniy erkinlikini kontrol qilish, pilanliq tughut qatarliq bir qatar siyasetlirini yenila izchil türde, hetta téximu kücheytken asasta yolgha qoyuwatqanliqini xelq'ara sorunlarda küchlük eyiblep kelmekte.
Uyghurlarning siyasiy teshkilatliri hazirqi weziyette, yene qandaq yéngi siyasiy yönilish we charilerni ishqa sélishi kérek? Uyghur ziyaliylirining bu heqtiki yéngi pikir we qarashliri qandaq ? biz bu mesililer heqqide gérmaniyide yashawatqan, sherqiy türkistan milliy qurultiyining sabiq re'isi enwerjan ependini shuningdek türkiyidiki siyasiy pa'aliyetchi, sha'ir séyitnisa loqman xanimni ziyaret qilduq.