`Тарим қизи` намлиқ шеирлар топлими түркийидә нәшир қилинди

Йеқинқи йиллардин бери чәт' әлдә яшаватқан уйғурлар нәшриятчилиққа алаһидә әһмийәт бәрмәктә. Уйғурлар пүтүн имканлирини сәпәрвәр қилип, нәшриятлар қуруп һәр хил китабларни нәшир қилмақта.
Мухбиримиз әркин тарим
2008-12-25
Share
Tarim-qizi-kitap-305 Сүрәт, шаирә зәйнурә әйса ханимниң `тарим қизи` намлиқ шеирлар топлиминиң муқава көрүнүши.
RFA Photo / Erkin Tarim

Йеқинда шаирә зәйнурә әйса ханимниң `тарим қизи` намлиқ шеирлар топлими явро - асия тәлим - тәрбийә вә иҗтимаий параванлиқ вәхпи тармиқидики тәклимакан уйғур нәшрияти тәрипидин нәшир қилинди.

Китабқа шаирә зәйнурә әйса ханим язған шеирлар таллап киргүзүлгән. 150 Шеир киргүзүлгән бу китаб 170 бәт болуп, бу китабтики шеирларниң көпи түркчигә, бәзилири немис тилиға тәрҗимә қилинған. Бу шиирларда әркинлик, мустәқиллиқ, вәтәнпәрвәрлик, вәтән һәсритидин башқа уйғурларниң хитай бесими астидики пәряди әкс әттүрүлгән.

Зәйнурә әйса ханим 1946 - йили 17 - март күни қәшқәрдә туғулған болуп, дадиси милли армийидә офитсер дохтур болуп вәзипә өтигән. Балилиқ чағлири ақсу үчтурпанда өткән болуп, 1960 - йили шинҗаң университетиға оқушқа киргән, 1965 - йили университетини пүттүргәндин кейин өзи пүттүргән мәктәптә оқутқучи болуп қалған.

1985 - Йили икки балисини елип түркийигә көчүп чиққан. Германийидә бир мәзгил турғандин кейин, йәнә түркийигә қайтип келип һазир түркийидә иҗадийәт билән шуғулланмақта. Һазирғичә 4 шеирлар топлими вә бир тәрҗимә әсири нәшир қилинған.

Биз `тарим қизи` намлиқ шеирлар топлими һәққидә техиму тәпсили мәлумат елиш үчүн шаирә зәйнурә әйса ханим билән сөһбәт елип бардуқ.

Юқиридики аваз улинишидин, мухбиримиз әркин таримниң бу һәқтики мәлуматиниң тәпсилатини аңлайсиз.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт