Torontoda hüseyin jélilgha erkinlik telep qilish namayishi ötküzüldi

Xitay da'irlirining olimpik musabiqisining harpisida, kanada puqrasi hüseyin jélilni yenila türmide tutup turuwatqanliqi shundaqla Uyghurlarning kishilik hoquqlirini éghir halda depsende qiliwatqanliqigha naraziliq bildürüsh üchün yekshenbe küni kanadaning toronto shehiride namayish élip bérildi.
Muxbirimiz kamil tursun xewiri
2008.07.28
Share on WhatsApp
Share on WhatsApp
kanada-huseyin-jelil1-305 Kanada hökümitini hüseyin jélil mesiliside xitaygha qarita bésimni qaytidin kücheytishke ündesh kocha aylinip naraziliq bildürüsh namayishidin körünüsh.
RFA Photo / Kamil Tursun

 Xitay hökümitining toronto shehiridiki bash konsulxanisi aldida bashlan'ghan we torontoning awat kochilirini aylinip, hüseyin jélil heqqide teshwiqat waraqliri tarqitilghan bu namayishqa xitayning kishilik hoquq xatirisige köngül bölidighan 100 din oshuq kanadaliq qatnashti. Bu namayish hüseyin jélilni qutquzush komitéti teripidin uyushturulghan.

Kanada Uyghur jem'iyitining re'isi ruqiye xanim bügünki namayishning olimpikning harpisida, xitayni hüseyin jélilni qoyuwétishke qistash pa'aliyiti ikenlikini tilgha aldi.

Bügünki pa'aliyetning asasliq uyushturghuchisi bolghan "namratliqtin qutulush teshkilati"ning mes'uli matthéw ependi namayishta söz qilghanda, xitay da'irilirining Uyghurlarning hoquqlirini éghir halda depsende qiliwatqanliqini tekitlep: " bügün xitay konsulxanisining aldida naraziliq pa'aliyiti élip bérishimizdiki seweb, xitay hökümiti olimpik musabiqisini ötküzüsh hoquqini qolgha keltüridighan chaghda, kishilik hoquqni yaxshilaydighanliqi heqqide wede qilghanidi. Epsuski bügünki künde xitayning kishilik hoquq xatirisi yaxshilinish tügül, eksiche barghansiri nacharlashmaqta. Buning délilliri xitay da'irilirining kanada puqrasi bolghan hüseyin jélilni ikki yildin béri,qanunsiz halda tutup turushi shundaqla olimpikning harpisida, Uyghurlarni basturush heriketlirini kücheytkenlikidur," dédi.

Matthéw ependi sözide , xitay hökümitining xelq'ara qanunlar buyiche, hüseyin jélilni derhal kanadagha qayturup, uning a'ilisi bilen jem bolushigha yol qoyushi kéreklikini eskertti.

Namayishqa qatnashqan kanadadiki Uyghur ziyalisi gülshen xanim bilen dini zat nur muhemmet ependi bügünki namayishqa kanadaliqlarning qizghin awaz qoshqanliqini, namayishta hüseyin jélil heqqidiki teshwiqat waraqlirining tarqitilghanliqini tonushturdi.

Ziyaritimizni qobul qilghan kanada Uyghur jem'iyitining re'isi ruqiye xanim namayishning Uyghurlarning nöwette chékiwatqan azaplirini kanadaliqlargha anglitish pursiti yaratqanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet