Türkiye sa'adet partiyisining qurultiyigha Uyghur wekiller alahide teklip bilen qatnashti

Türkiyining eng chong partiyiliridin biri bolghan sa'adet partiyisining 3 - nöwetlik qurultiyi 10 - ayning 26 - küni enqerediki atatürk tenterbiye zalida tentenilik ötküzüldi.
Muxbirimiz erkin tarim
2008-10-28
Share
Uyg-wekiller-qurultay-305.jpg Saadet partiyisining 3 - nöwetlik qurultiyi 10 - ayning 26 - küni enqerediki atatürk tenterbiye zalida tentenilik ötküzülgen. Süret, yighin zalidin körünüsh.
RFA Photo / Erkin Tarim

Qurultayda partiye bash sékritarliq namzatliqigha numan qurtulmush ependi körsitilgen bolup, 946 wekildin 924 ning rayini élip partiye bashliqliqigha saylandi.

Sa'adet partiyisining 3 - nöwetlik bu qurultiyigha Uyghurlargha wakaliten sherqiy türkistan ma'arip we hemkarliq jem'iyiti bash sékritari hidayitullah oghuzxan bashchiliqidiki hey'et qatnashti.

Sa'adet partiyisi sabiq bash ministir, péshqedem siyasetchi nejmidin erbaqan qurghan partiye bolup, türkiyining adalet we tereqqiyat partiyisi bu partiyidin bölünüp chiqqan kishiler teripidin qurulghan idi. Nejmidin erbaqandin kéyin réja'iy qutan partiye bashliqi bolghan bolup, bu qétimqi saylamda numan qurtulmush ependi partiye bashliqliqigha saylandi.

Siyasiy közetküchiler numan qurtulmush ependining hazirqi bash ministir rejep tayip erdoghan'gha reqip bolalaydighan kishi ikenlikini, bu qétimqi omumiy saylamda sa'adet partiyisini parlaméntqa élip kireleydighan kishi ikenlikini ilgiri sürüshmekte.

Türkiyide pa'aliyet élip bériwatqan sherqiy türkistan teshkilatliri mes'ulliri sa'adet partiyisining bu büyük qurultiyigha Uyghur wekillerni teklip qilishi bu partiyining Uyghur mesilisige bergen ehmiyitining ipadisi ikenlikini ilgiri sürüshmekte. Biz qurultaygha qatnishiwatqan Uyghur wekil hidayetullah oghuzxan ependi bilen söhbet élip barduq.  

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet