Enqerede türkiyidiki herqaysi siyasiy partiyilerge Uyghurlar heqqide melumat bérish pa'aliyiti dawam qilmaqta

Buninggha asasen enqerede pa'aliyet élip bériwatqan sherqiy türkistan medeniyet we hemkarliq jem'iyiti shöbisi türkiyidiki herqaysi siyasiy partiyilerge sherqiy türkistan heqqide melumat bérish pa'aliyitini bashlighan idi. Mezkur teshkilat 2-ayning 19-küni 2-qétimliq pa'aliyitide adalet we tereqqiyat partiyisining yashlar yachéykisining ezalirigha “Sherqiy türkistan mesilisi we türkiye” témisida doklat berdi. Yighinda aldi bilen sherqiy türkistan medeniyet we hemkarliq jem'iyiti enqere shöbisining mes'uli hayrullah efendigil ependi bu pa'aliyetni uyushturushtiki meqsiti heqqide toxtaldi. U sözide Uyghurlar insan bolghachqa insaniyet dunyasining, musulman bolghachqa islam dunyasining, türkiy millet bolghachqa türk dunyasining sherqiy türkistan mesilige köngül bölüshi kéreklikini tekitlidi.

RFA/Erkin Tarim

Pa'aliyet jeryanida türkiyide ishlen'gen “5-Iyul ürümchi qirghinchiliqi we sherqiy türkistan mesilisi” namliq höjjetlik filim körsitildi. Axirida hajettepe uniwérsitéti tarix fakultéti oqutquchisi dr. Erkin ekrem “Uyghurlarning tarixi, bügünki weziyiti, türkiye xitay munasiwitide Uyghurlarning tutqan orni we sherqiy türkistanning istratégiyilik orni” qatarliq témilarda 3 sa'etke yéqin doklat berdi. So'al-jawab sheklide dawam qilghan bu doklat türkiye adalet we tereqqiyat partiyisi yashlar yachéykisi ezalirining qattiq diqqitini qozghidi. Axirida ular hemme birdek bügün sherqiy türkistan heqqide nurghun melumatlargha ige bolduq, bu heqte téximu köp xizmet qilishqa tirishimiz déyishti. Bu pa'aliyet heqqide téximu köp melumat élish üchün dr. Erkin ekrem we hayrullah efendigil ependilerge söhbet élip barduq.