Türkiyide Uyghurlar qur'an kursini ela netije bilen püttürdi

Türkiyining qeyseri wilayetlik diniy ishlar idarisi qeyseri wilayiti boyiche qur'an kursi échip kishilerge diniy terbiye élip barmaqta. Qeyseride Uyghurlar olturaqlashqan mehellide türkistan qur'an kursi namida kurs bar bolup, 20 yildin béri pa'aliyet élip bériwatqan bu kursqa qatnashqanlarning köpi Uyghurlardur.
Muxbirimiz erkin tarim
2009.06.01
kayseride-kuran-kursi-305 Süret, 5 - ayning 30 - küni ötküzülgen diplom tarqitish murasimida, eng aliy netije bilen birinchi bolghan nurshen köse xanim bilen ikkinchi bolghan gülizar qaxan xanim mukapatliniwatqan körünüsh.
RFA Photo / Erkin Tarim

Ular pütün qeyseri boyiche ela netijilerni qolgha keltürgen. 5 - Ayning 30 - küni ötküzülgen diplom tarqitish murasimida eng aliy netije bilen birinchi bolghan nurshen köse xanim bilen ikkinchi bolghan gülizar qaxan xanim mukapatqa érishti.

5 - Ayning 30 - küni sherqiy türkistan medeniyet we hemkarliq jemiyitide ötküzülgen diplom tarqitish murasimida 37 Uyghur oqughuchi diplom aldi. Qeyseri wilayiti boyiche 61 qur'an kursi bar bolup, qur'an öginish musabiqisida Uyghurlarning türkistan qur'an kursi 6 - bolghan.

Türkistan qur'an kursida oqutquchiliq qiliwatqan shen'gül yilmaz xanim sherqiy türkistanliqlar öz wetinide diniy erkinlikke ige bolmighachqa türkiyide aktipliq bilen din öginiwatqanliqini, ders netijilirining omumen türklerdin yuqiri ikenlikini éytti.

Biz bu kurs heqqide tepsili melumat élish üchün oqutquchi shen'gül yilmaz xanim we bu kursni yéqindin qollap kéliwatqan sherqiy türkistan medeniyet we hemkarliq jemiyiti bashliqi séyit tümtürk ependi bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.