8 ‏- Mart ayallar bayrimi munasiwiti bilen istanbulda ötküzülgen yighinda Uyghur ayalliri tilgha élindi

8 ‏ - Mart dunya ayallar bayrimining 100 ‏ - yili munasiwiti bilen türk dunyasi insan heqliri jem'iyitining istanbul shöbisi ayallar bölümining uyushturushi bilen, istanbulning filorya rayonidiki körkem kilis sofrasi dégen réstoranning zalida bayanat élan qilish yighini ötküzüldi.
Muxbirimiz arslan
2010.03.08
Share on WhatsApp
Share on WhatsApp
istanbuldiki-uyghur-ayallar Istanbuldiki uyghur ayallar 8-mart ayallar bayrimi munasiwiti bilen ötküzülgen tebriklesh yighinigha qatnashmaqta.
RFA Photo

Bayanat élan qilish yighinigha türk dunyasi insan heqliri jem'iyitining istanbul shöbisi, istanbul waliyilikige qarashliq türk dunyasi qérindash xelqler bölümi, aydinglar ojaghi, türkmenler insan heqliri jem'iyiti, yawro ‏ - asiya türk jemiyetliri fédératsiyisi, yawrupa aydinlar ojaghi jem'iyiti, gherbiy tirakiye türkliri jem'iyiti, qirim türkliri medeniyet we hemkarliq jem'iyitining istanbul shöbisi, sherqiy türkistan wexpi, sherqiy türkistan ma'arip we hemkarliq jem'iyiti, sherqiy türkistan köchmenler jem'iyiti, sherqiy türkistan yashlar jem'iyiti, anatoliye aydinglar ojaghi, bulgharistan türkliri hemkarliq jem'iyiti, tatar jemiyetliri birleshmisi, ezerbeyjanliqlar jem'iyiti, qanunshunaslar birliki qatarliq 16 ammiwi teshkilat we jemiyetlerning wekilliri qatnashti. Yighin'gha yene radi'o ‏ - téléwiziye we gézit ‏ - jurnallarning muxbirliri we yazghuchi ‏ - sha'irlar bolup köp sanda kishi qatnashti.

Axbarat élan qilish yighinida türk dunyasi insan heqliri jem'iyitining istanbul shöbisi ayallar bölümining bashliqi, nimet olubay xanim, yawro‏ - asiya türk jemiyetliri fédératsiyisi bashliqi doktor fethi exmet, sherqiy türkistan wexpining wekili nur'ela köktürk, sherqiy türkistan köchmenler jem'iyitining wekili doktor reshide genjer qatarliq shexsler söz qilip, 8 ‏ - mart dunya ayallar bayrimi we sherqiy türkistandiki ayallarning kishilik hoquq depsendichilikiliri heqqide söz qildi.
 
Yighinda söz qilghan türk dunyasi insan heqliri jem'iyitining istanbul shöbisi ayallar bölümining bashliqi nimet olubay xanim mundaq dédi:
8 ‏ - Mart dunya ayallar küni dep tebriklinip kéliwatqan bu kün, yüz yildin biri ayallarning heq ‏ - hoquqlirigha ige bolush we heq ‏ - hoquqlirini qoghdash yolida körsetken küresh we hemkarliq küni. 1910 ‏ - Yili denmarikining kopénhag kentide ötküzülgen xelq'araliq ayallar qurultiyida 8 ‏ - mart dunya ayallar bayrimi dep élan qilindi we dunyaning nurghun döletliri bü künni tebrikleshke bashlidi. 1977 ‏ - Yili birleshken döletler teshkilati 8 ‏ - mart künini dunya ayallar bayrimi dep testiqlidi.

Bu kün munasiwiti bilen pütkül türk we dunya ayallarning bu bayrimini tebrikleymiz we sherqiy türkistanda, ürümchide xitay zulumi astida yoq qilin'ghan, xoja'elide ermeniler teripidin qetli qilin'ghan, qirim we gherbiy tirakiyide jümlidin dunyaning pütkül döletliride hayatidin ayrilghan ayallirimizni éhtiram bilen esleymiz we ulargha rehmet tileymiz.

Biz türk dunyasi insan heqliri jem'iyiti bolush süpitimiz bilen, asasiy qanun boyiche, her kim, til, din, irq, reng, jinsiyet. Siyasi chüshenche, pelsepe étiqad, din, mezhepke oxshash jehetlerde chetke qéqilmastin qanun aldida barawer, dégen prinsip boyiche, ayallarning hoquqini insanlar hoquqidin ayrim dep qarimasliq chüshenchisini qoghdaymiz, we buni qoghdash üchün qilishqa tégishlik ish ‏ - heriketlerning kéchiktürülmesliki we cheklimige uchrimasliqigha ishinip pa'aliyet qilimiz.

Yighinda yene yawro‏ - asiya türk jem'iyetliri fédératsiyisi bashliqi doktur fethi exmet yighin ishtirakchilirigha xitab qilip mundaq dédi: bügün 8 ‏ - mart ayallar bayrimi küni, amma 8 ‏ - mart küni del ‏ - derex, gul ‏ - chécheklerning bix sürüp kökleydighan küni, ayallar jem'iyetning bixi, türk külétirining eng muhim mewjudiyiti hésablan'ghan ayalirimizgha tarix boyiche sözlesh heqqi, jem'iyette yuqiri derijilik orun bérildi, urushlarda qehriman ayallirimiz erler bilen mürini - mürige tirep birlikte jeng qildi. Mert erlerni yétishtürgen ayallirimiz bizning béshimizning taji boldi, ayallarning heqlirini qoghdash bizning kültérimizde eng muhim xizmet bolup keldi. Emma epsulinarliqi bilen sherqiy türkistanda, pelestinde ayallirimiz éziliwatidu, ularning telim ‏ - terbiye hoquqliri, saghliq hoquqliri tartiwélindi we jem'iyetning eng töwen qatlamlirida körüsh mu'amilige düch kelmekte. Biz bilim ademliri bolush süpitimiz bilen, jem'iyetning ziyaliyliri bolghan siler bilen bu heqte dawamliq köngül bölüp xizmet ishlesh we tetqiqat élip bérish shundaqla ammiwi teshkilatlarning bu xizmetlerni qilishta muhim rol oynishini otturigha qoyushimiz lazim.

Biz yighin axirida bu yighin'gha qatnashqan Uyghur ayallardin nur'ela köktürk xanim bilen Uyghur ayalliri heqqide söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet