Türkiyide `xelq'araliq ehmet zeki welidi toghan we türk medeniyiti` ilmiy muhakime yighini chaqirildi

Süret, 10 - ayning 13 - künidin 15 - künigiche türkiyining afyon wilayitide chaqirilghan `xelqaraliq ehmet zeki welidi toghan we türk medeniyiti` ilmiy muhakime yighinining teshwiq matériyalidin körünüsh.

Bu yighin'gha 20 dölettin 60 ilim adimi qatnashqan bolup, yighinda bashqurt milliti yétishtürgen dangliq tarixchi, siyasiyon ehmet zeki welidi toghanning hayati, ilmiy tetqiqatliri we siyasi küreshliri heqqide mulahize élip bérildi.

Ehmet zeki welidi toghan 1910 - yilidin 1920 - yilighiche bashquristanning musteqilliqi üchün ruslargha qarshi küreshke rehberlik qilghan muhim bir shexs. Uning türkiyige kelgendin kéyin yazghan `omumiy türk tarixigha kirish' mawzuluq esiri tarix tetqiqatida intayin muhim.
    
Bu ilmiy muhakime yighinida Uyghurlar we sherqiy türkistan heqqide 8 parche ilmiy maqale oqulghan bolup, tarixchi doktor ömer qulning `türkistan dawasining dewir bölgüch nuqtisi` mawzuluq doklati yighin ehlining qattiq diqqitini qozghighan.

Biz bu yighin heqqide tepsiliy melumat élish üchün yighin meydanigha téléfon qilip, proféssor doktor alimjan inayet bilen söhbet élip barduq.

Yuqiridiki awaz ulinishidin, bu heqtiki söhbitimizning tepsilatini anglaysiler.