Uyghur medeniyet - sen'iti xelq'ara féstiwalda körsitilmekte

Süret, 9 - ayning 17 - künidin 26 - künigiche enqerening etimesqut rayonida élip bériliwatqan 7 - nöwetlik xelqaraliq anatoliye medeniyet we senet féstiwaligha qatnishiwatqan uyghur ömikining körgezme bölümidin körünüsh.

17 - Chésla dangliq naxshichi dawut güloghlining konsérti bilen bashlan'ghan féstiwal 26 - chésla dangliq naxshichi sibeljanning konsérti bilen axirlashmaqchi. Féstiwalda türkiyining herqaysi wilayetliri, türkiy jumhuriyetler we bashqa türkiy milletler mexsus bölüm échip, öz medeniyitini we sen'itini tonutmaqta.

Bulardin bashqa yene her küni türkiyining ikki wilayiti bilen bir türkiy jumhuriyet özlirining sen'et nomurlirini körsetmekte. Uyghurlar 9 - ayning 22 - küni Uyghur naxsha - usullirining örneklirini körsetmekchi.
  

RFA Photo / Erkin Tarim

 
Enqerening etimesqut rayonida ötküzülüwatqan 7 - nöwetlik xelq'araliq anatoliye medeniyet we sen'et féstiwalidiki bölümler ichide Uyghur bölümi eng bay mezmun'gha ige bolup, bu yerde Uyghurlarning sen'iti, medeniyiti we bügünki weziyiti tonutulmaqta. Bu bölümlerni her küni 7 - 8 ming kishining ziyaret qiliwatqanliqi perez qilinmaqta.

Yuqiridiki awaz ulinishidin, neq meydandin bérilgen bu heqtiki melumatimizning tepsilatini anglaysiler.