Хитайниң сәуди әрәбистандики төмүр йоли ширкити зиян тартти

Сәуди әрәбистаниниң "әл рияд" тор бекити рейтир агентлиқи 2010 - йили10 - айниң25 - күни елан қилған "хитайниң сәуди әрәбистанида ишләватқан төмүр йол ширкити еғир дәриҗидә зиянға учраш алдида" дегән хәвәрни тарқатти.
Мухбиримиз өмәрҗан тохти
2010.11.03
u1103-omerjan
Аңлаш Авазни көчүрүш

Хәвәрдә мундақ дейилгән: "хитай төмүр йол ширкити мәсулиниң рейтир агентлиқиға бәргән баянатиға қариғанда, хитайниң сәуди әрәбистандики муқәддәс җайларда иш елип бериватқан төмүр йол ширкити еғир дәриҗидә зиянға учраш алдида икән. Нәқ зиянниң 4 милярд 15 милйон йүәндин ашидиғанлиқи мөлчәрләнгән болуп, бу рәқәм 623 милйон америка доллириға тәң икән. Хитай төмүр йол ширкитиниң билдүрүшичә йәнә, сәуди әрәбистандики муқәддәс җайлардики төмүр йол хизмитиниң чиқими дәсләп келишим түзүшкән вақиттикидин ешип кәткән. Төмүр йолниң пүтүп болған қисми бу йил 11 - айниң 13 - күни рәсмий ишқа чүшидикән."
 
Сәуди әрәбистанида чиқидиған "әл вәтән" гезитиниң 2010 - йили25 - өктәбир санида билдүрүшичә, сәуди әрәбистани йеза - шәһәр ишлири министири мәнсур ибни мутиб хитай төмүр йол ширкитиниң мудири билән көрүшкән вә хитайниң тартқан зиянлири тоғрилиқ бу йил һәҗ паалийити ахирлашқандин кейин сөзлишишкә келишкән.

Мәлумки, хитайниң төмүр йол ширкити сәуди әрәбистаниниң мәккә, мина, әрәфат вә муздәлифә қатарлиқ җайлириниң арисида төмүр йол ясаш ишини үч йиллиқ пилан билән бир милярд 83 милйон америка доллириға келишип үстигә алған вә 2009 - йили январ ейида башлиған болуп, 2011 - йили пүтүп чиқиши пиланланған икән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.


 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.