Явропа парламентида “хитайниң шәрқий түркистандики ядро синиқи вә униң бүгүнки тәсири” намлиқ йиғин өткүзүлди

“50 йилдин кейинки 596‏-номурлуқ синақ: хитайниң шәрқий түркистандики ядро синиқи вә униң тәсири” намлиқ муһакимә йиғини 29-феврал күни явропа парламентиниң брюсселдики бинасида өткүзүлди.
Ихтиярий мухбиримиз әркин тарим
2012.02.29
Share on WhatsApp
Share on WhatsApp
yawrupa-parlamentide-atom-yighini-305.jpg Явропа парламентида өткүзүлгән “хитайниң шәрқий түркистандики ядро синиқи вә униң бүгүнки тәсири” намлиқ йиғиндин көрүнүш. 2012-Йили 29-феврал, түркийә.
RFA/Erkin Tarim

Явропа парламентиниң муавин башлиқи лазло төкес, парламент әзалиридин кристина оҗуланд, витавтас ландсбергис қатарлиқ кишиләр йиғинға қатнашти вә сөз қилди.

Мәзкур йиғинни явропа парламенти христиан демократлар бирлики, вакаләтсиз милләтләр тәшкилати, д у қ вә белгийә уйғур җәмийити қатарлиқ тәшкилатлар бирликтә орунлаштурған болуп, йиғинда мутәхәссисләр 1964-йилидин 1996-йилиғичә хитайниң лопнурда елип барған ядро синиқиниң уйғурларға, муһитқа вә өсүмлүкләргә елип кәлгән зейини һәққидә доклат бәрди.

yawrupa-parlamentide-atom-siniqi-yighin-385.jpg
Явропа парламентида “хитайниң шәрқий түркистандики ядро синиқи вә униң бүгүнки тәсири” намлиқ йиғин өткүзүлди. 2012-Йили 29-феврал, түркийә.
RFA/Erkin Tarim

Йиғинда мутәхәссисләрдин башқа вакаләтсиз милләтләр тәшкилати баш катипи марино бустачин әпәнди билән дуня уйғур қурултийи баш катипи долқун әйса әпәндиму сөз қилип, уйғурларниң бүгүнки вәзийити һәққидиму мәлумат бәрди.

Биз бу йиғин һәққидә техиму тәпсилий мәлумат елиш үчүн нәқ мәйданға телефон қилип йиғинға қатнашқан кишиләр билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.