Японийидә ши җинпиңниң японийә зияритигә қарши муһим паалийәтләр елип берилди

Хитайниң муавин дөләт рәиси ши җинпиң 14- числадин 17 - числағичә японийигә елип баридиған зияритини бүгүн рәсмий башлиди. Бу мунасивәт билән японийә уйғур җәмийити бир қатар паалийәтләрни уюштуруп ши җинпиңниң японийә зияритигә қаттиқ наразилиқ билдүрди.
Мухбиримиз ирадә
2009.12.14
Yapon-Uyghur-jemiyiti-we-yaponlar-xitaygha-qarshi-paaliyet-305.jpg Сүрәттә, хитайниң муавин дөләт рәиси ши җинпиңниң 14 - числадин 17 - числағичә йапонийигә елип баридиған зийаритигә қарши елип барған намайиш паалийәтлиридин көрүнүшләр.
http://rfuj.net Дин елинди.
u1214-pma.mp3
Аңлаш Авазни көчүрүш

Хитайниң муавин дөләт рәиси ши җинпиң 14 - числа чүштин кейин японийигә йетип келип рәсмий зияритини башлиди. У айродромда мухбирларға қилған сөзидә өзиниң бу қетимлиқ зиярити һәққидә тохтилип, японийә вә хитай мунасивәтлирини тәрәққи қилдурушниң икки дөләт мәнпәәтигә мувапиқ икәнликини ейтти вә зияритиниң асаслиқ мәқситини "өз - ара ишәнчни ашуруп, достлуқни күчәйтиштин ибарәт" дәп шәрһлиди.

Әмма, бу җәрянда ши җинпиңниң японийә зияритигә қарши авазларму мәйданға кәлгән болуп, хитай - японийә мунасивәтлири һәққидә түрлүк муназириләр давамлашмақта.

Японийидә актип паалийәт елип бериватқан японийә уйғур җәмийитиму түрлүк паалийәтләрни уюштуруп, японийә һөкүмитиниң диққитини уйғур мәсилисигә тартишқа тиришқан. Буниңға японийидики башқа тәшкилатларму қизғин аваз қошқан.

Японийә уйғур җәмийитиниң рәиси илһам мәһмут әпәнди мухбиримиз зияритини қобул қилип, бу бир қатар әһваллар һәққидә тохталди.  

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Мунасивәтлик хәвәрләр
Тәпсили хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.