Японийә уйғур җәмийити рәсми қурулди

Кейинки 10 йил ичидә шималий америкидин австралийигичә, явропадин оттура асия түркий җумһурийәтлиригичә болған дөләтләрдә уйғурлар тәшкилатларға уюшуп, яшаватқан дөләтлиридә системилиқ һалда өз дәвалирини аңлатмақта.
Мухбиримиз әркин тарим хәвири
2008.06.16
u0616-erkin
Аңлаш Авазни көчүрүш

 Уйғурларниң нопуси көп болсиму, түрлүк сәвәбләр билән бүгүнгичә тәшкилат қурулуп бақмиған японийидә 6 - айниң 15 - күни японийә уйғур җәмийитиниң қурулғанлиқи елан қилинди. Дуня уйғур қурултийиниң орунлаштуруши билән бир һәптидин бери японийидә зияритини давамлаштуриватқан  д у қ муавин башлиқи сейит түмтүрк әпәнди башчилиқидики бир гуруп уйғур токйода бир меһманханида йиғин чақирип җәмийәтниң рәсми қурулғанлиқини елан қилди.

Йиғинда елип берилған сайлам нәтиҗисидә илһам махмут әпәнди японийә уйғур җәмийитиниң рәисликигә сайланған. Бу тәшкилат қандақ қурулди? қурулуш мәқсиди немә? бу һәқтә тәпсили мәлумат елиш үчүн д у қ муавин рәиси сейит түмтүрк әпәнди билән сөһбәт елип бардуқ. У сөзидә японийидә бундақ бир тәшкилатниң қурулуши шәрқий түркистан давасидики әң чоң бошлуқни толдурғанлиқ икәнликини ейтти.

Юқиридики аваз улинишидин, сейит түмтүрк әпәнди билән елип барған сөһбитимизниң тәпсилатини аңлайсиләр.

Мунасивәтлик хәвәрләр
Тәпсили хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.