“явро-асияниң 2023-йиллиқ нишани” намлиқ йиғин әнқәрәдә чақирилди

“явро-асияниң 2023-йиллиқ нишани” намлиқ әнқәрәдә чақирилған бу илмий учришишқа түркийә, қирғизистан, моңғулийә, афғанистан, сүрийә, ирақ вә танзанийә қатарлиқ дөләтләрниң башлиқлири билән академик хадимлири қатнашти. Йиғинда явро-асияда бирлик вә иттипақлиқниң муһим икәнлики мәркизий нуқтиға айланди.
Ихтиярий мухбиримиз әркин тарим
2013-01-16
Share
yawro-asiya-2023-nishani-305.jpg “явро-асияниң 2023-йиллиқ нишани” намлиқ йиғин әнқәрәдә чақирилди. 2013-Йили январ, әнқәрә.
RFA/Erkin Tarim

Явро-асия тәрәққият җәмийити орунлаштурған “явро асияниң 2023-йиллиқ нишани” намлиқ илмий учришиш, әнқәрәниң кәчиөрән районлуқ һөкүмитидики юнус әмрә күлтүр мәркизидә өткүзүлди. явро-асияниң кәлгүси тәрәққият пилани һәққидики темиларни музакирә нуқтиси қилған бу йиғинға явро-асия тәрәққият җәмийитиниң рәиси һәсән җәңгиз, явро-асия истратегийилик чүшәнчә институти башлиқи профессор доктор җәлал әрбай, явро-асия тәрәққият һөкүмәтләр бирлики баш катипи вә қирғизистан җумһурийити парламент әзаси анарбәк қалматов, явро-асия тәрәққият һөкүмәтләр бирлики муавин рәиси вә алазиғ шәһәрлик һөкүмәт башлиқи сулайман салманоғлу, афғанистан парламент әзаси әнвәр сәдат, сүрийә түркмәнлири тәрәққият җәмийити иҗраийә башлиқи һәйсәм молла алий, моңғулийә қанун иҗра университети мудири профессор, доктор полис албай чиңгис, шәрқий түркистан маарип вә һәмкарлиқ җәмийити башлиқи һидайитуллаһ оғузхан әпәнди, ундин сирт йәнә ирақ вә танзанийидин кәлгән бәзи вәкилләт қатнашти.

Шәрқий түркистан маарип вә һәмкарлиқ җәмийити башлиқи һидайитуллаһ оғузхан әпәндиму тәклип билән меһманларниң қатарида рәис сәһнисидин орун алди һәм хитай ишғалийитидики шәрқий түркистан вә уйғур түрклириниң һазирқи вәзийити һәм мәсилилири һәққидә сөз қилди.

Ундин башқа йәнә “путинниң явро-асия хияли”, “түркийиниң ярдими билән қирғизистанму гүлләнсун”, “явро-асияниң муқимлиқи афғанистанниң муқимлиқи”, “икки қутуп күч тәңпуңлуқидин районлар ара күчкә йөткиливатиду” қатарлиқ темилардиму нутуқлар сөзләнди.

Биз йиғин һәққидә тәпсилий мәлумат елиш үчүн шәрқий түркистан маарип вә һәмкарлиқ тәшкилати башлиқи һедайитуллаһ оғузхан әпәнди билән сөһбәт елип бардуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт