Яврупа парламенти уйғур вә тибәтләр һәққидә қарар мақуллиди

26‏ - Ноябир күни франсийиниң страсбург шәһиридә яврупа парламентиниң омумий йиғини чақирилип, яврупа парламентидики християн демократлар, консерватиплар, йешиллар, сотсиял демократлар вә либераллар иттипақиниң һәр қайси сиясий партийә ‏-гуруппилири оттурисида бир қанчә һәптидин буян елип берилған талаш - тартиш, музакириләргә асасән уйғур вә тибәтләр һәққидә мәхсус 12 маддилиқ қарар лайиһиси қобул қилинди.
Мухбиримиз әқидә
2009.11.27
Share on WhatsApp
Share on WhatsApp
Rabiye-xanim-Yawropa-parlamentida-sozde-305.jpg Сүрәт, 2009 - йили 1 - сентәбир күни, рабийә қадир ханим йавропа парламентиниң бруйусселсдики баш шитабида йавропа парламентиға 5 - ийул вәқәси тоғрисида гуваһлиқ бериватқан көрүнүшлиридин бири.
AFP Photo

Яврупа парламентида муһим орунға игә болған күп сандики парламент әзалиридин тәшкил тапқан мәзкур 5 партийиниң гуруппа йиғинида қарар лайиһиси музакирә қилинип, маддилар бойичә айрим - айрим қарар чиқирилип, авазға қоюш арқилиқ мутләқ көп сандики парламент әзалириниң бирдәк қошулуши билән бекитилгән қарарда, буниңдин кейин яврупа иттипақиға әза дөләтләрниң хитай билән елип баридиған иқтисади, сияси вә дипломатик мунасивәтләргә даир сөһбәтлиридә хитайниң уйғурлар вә тибәтләргә қарита елип бериватқан бастуруш сияситини тохтитишни тәләп қилиши қарар қилинған.

12 Маддилиқ бу қарарда алди билән, бу йил үрүмчидә йүз бәргән 5" ‏- июл вәқәси" шуниңдәк 2008 ‏- йили лхасада йүз бәргән 14" ‏- март вәқәси" сәвәбидин өлүм җазаси берилгән бир қисим уйғур вә тибәтләргә қарита иҗра қилинған өлүм җазаси тәнқид қилиниш билән биргә, хитай һөкүмитидин, өлүм җазаси иҗра қилишни дәрһал ахирлаштуруш, хәлқара өлчәмләргә бойсунған асаста адил сот һөкүми чиқириш, гунаһсиз тутқун қилинған мәһбусларни қоюп бериш, уйғур вә тибәтләрниң иқтисадий, мәдәнийәт вә диний һәқ ‏- һоқуқлириға һөрмәт қилиш һәмдә уйғурлар үстидин елип бериливатқан 100 күнлүк қаттиқ зәрбә бериш ниқабидики һәрикәтлирини дәрһал тохтитишни тәләп қилиш қатарлиқ муһим мәзмунлар оттуриға қоюлған.

Дуня уйғур қурултийиниң баш катипи долқун әйса әпәнди, бу қетим яврупа парламенти тәрипидин чиқирилған қарар лайиһисидин сөйүнгәнликини шундақла бу қарарниң чиқирилишида дуня уйғур қурултийи тәшкилатиниң зор хизмәтләрни ишлигәнликини билдүрди.

Яврупа парламентиниң уйғурлар вә тибәтләр һәққидә чиқарған 12 маддилиқ қарари дуня уйғур қурултийиниң қарши елишиға еришкәндин сирт, һәр қайси кишилик һоқуқ тәшкилатлириниңму һимайисигә сазавәр болди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Пикир

Anonymous
Nov 27, 2009 11:03 PM

Өмриңиз узун болсун рабийә ﯪна !!
Қурбан һейтңларға мубарәк болсун! вәтән сөйәр уйғур қәриндашлирим.

Anonymous
Nov 28, 2009 05:06 PM

努尔白克力不是说王乐泉是他干爹吗??

Anonymous
Nov 29, 2009 04:49 PM

Йаврупа парламнити мақуллиған бу қарарни хитай иҗра қиламду?
Мәҗбури иҗра қилиши шәртму?
Билидиғанларниң суﯪлимни җавабисиз қалдурмаслиқини үмид қилимән.

Anonymous
Nov 29, 2009 12:46 AM

Курбан hайтинлар мубарак болсун!!!