Дуня инсан һәқлири күнидә шиветсийидә намайиш

Бүгүн 10 - декабир дуня инсан һәқлири күни һәм бүгүн шиветсийә хан җәмәти пәнләр академийиси тәрипидин нобил мукапатиға еришкүчиләргә һәшәмәтлик мурасим уюштуруп нобел мукапати тарқитип берилидиған күн.
Мухбиримиз йалқун
2008-12-10
Share
Shiwetsiye-uyghur-insan-305 13 - Май күнидики йиғинда, хәлқара кәчүрүм тәшкилатиниң адвокати мадилайна сеитлетз ханим уйғурларниң инсан һәқлири әһвали һәққидә мәлумат бәрмәктә.
RFA Photo / Yalqun

10 - Декабир шиветсийидә яшаватқан уйғурлар үчүнму алаһидә әһмийәткә игә бир күн болуп, һәр йили мушу күни шиветсийидә яшаватқан уйғурлар нобел сарийиниң яки шиветсийә парламентиниң алдиға йиғилип, уйғурларниң инсан һәқлири әһвалини намайиш шәкли билән билдүрүп келиватиду.

Һәр йили бу күндә дуняниң һәр қайси җайлиридин нобел мукапатини тарқитиш мурасимиға қатнишиш үчүн кәлгән меһманлар бу орунларни зиярәт қилип, қизғин қарши елишларға еришиду.Намайишниң мушундақ муһим орунларға орунлаштурулуши уйғурларни әһвалини тонуштурушта әһмийәтлик пурсәтләр билән тәмин әтмәктә.

Дуня инсан һәқлири күни мунасивити билән шиветсийидә елип берилған бүгүнки бу намайиш дәл шу мәқсәттә шиветсийә парламинт бинаси билән шиветсийә падишаһ ордисиниң арилиқиға орунлаштурулған. Гәрчә бүгүн стокһолимниң һаваси наһайити начар болсиму, намайиш шивирғанлиқ ямғурдики соғуққа қаримай бәлгиләнгән муддәт буйичә елип берилди.

Намайишни шиветсийә уйғур комитети тәшкиллигән болуп, шиветсийә уйғур комитетиға йеңидин рәис болуп сайланған маһинур ханим намайиш һәққидә тохтилип мундақ дәйду.

Бүгүнки намайишниң әһмийити һәққидә тохталған дуня уйғур қурултийиниң баянатчиси вә шиветсийә уйғур комитетиниң муавин рәиси дилшат ришит мундақ дәйду.

Бугүнки бу намайишқа уйғурлардин сирт шиветсийидә яшаватқан моңғулларму иштирак қилған болуп, шиветсийә уйғур комитети шиветсийидики моңғул тәшкилатлири билән изчил һәмкарлишип кәлмәктә иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт