Сам бравнбәк әпәнди билән катрина ләнтос ханимға уйғурлар намидин тон кийдүрүлди

Мухбиримиз нуриман
2022.07.01
Share on WhatsApp
Share on WhatsApp
Сам бравнбәк әпәнди билән катрина ләнтос ханимға уйғурлар намидин тон кийдүрүлди “2022-йиллиқ хәлқара диний әркинлик алий кеңиши” ниң йепилиш мурасимида д у қ вә уһрп рәһбәрлири сам бровнбәк(Sam Brownback) әпәнди вә катрина ләнтос свит (Katrina Lantos Swett) ханимға тон кийдүргән көрүнүш. 2022-Йили 30-июн, вашингтон.
Photo: RFA

28-Июн күни америка пайтәхти вашингтонда башланған “2022-йиллиқ хәлқара диний әркинлик алий кеңиши” 30-июн күни ахирлашти. Дуняниң һәр қайси җайлиридин кәлгән диний рәһбәрләр, диний тәшкилатларниң вәкиллири вә сияси паалийәтчиләр иштирак қилған мәзкур алий кеңәштә уйғур мәсилиси баштин-ахири муһим мәсилиләр қатарида оттуриға қоюлди.

Мәзкур алий кеңәш сабиқ америка хәлқара диний әркинлик баш әлчиси сам бровнбәк әпәнди вә том ләнтос кишилик һоқуқ вә адаләт фондиниң рәиси доктор катрина ләнтос свит (Katrina Lantos Swett) ханим башчилиқида уюштурулған. 30-Июн күни өткүзүлгән йепилиш мурасимида дуня уйғур қурултийи вә уйғур кишилик һоқуқ қурулуши рәһбәрлири бу икки муһим шәхскә уйғурларниң һөрмити вә тәшәккүрини билдүрүш үчүн тон кийдүргән, шундақла уйғур допписи тәқдим қилған.

Бу мунасивәт билән дуня уйғур қурултийиниң рәиси долқун әйса әпәнди радийомизниң зияритини қобул қилди. У уйғурларниң авази болуватқан кишиләргә миннәтдарлиқ билдүрүшниң уларниң кәлгүсидә уйғурлар үчүн техиму күчлүк аваз чиқиришиға түрткә болидиғанлиқини билдүрди.

Мәлум болушичә, сабиқ америка хәлқара диний әркинлик баш әлчиси сам бровнбәк әпәнди, америка ташқий ишлар министирлиқи уюштурған диний әркинлик йиғинлирида вә хәлқаралиқ сәһниләрдә изчлил түрдә уйғурлар мәсилиси оттуриға қоюп кәлгән. 2020-Йили 13-июл күни хитай ташқий ишлар министирлиқиниң баянатчиси хуа чүнйиң хитайниң американиң 4 нәпәр әмәлдариға җаза тәдбири қойидиғанлиқини елан қилған иди. Бу әмәлдарларниң қатарида әйни вақиттики америка ташқий ишлар министирлиқиниң дини әркинликкә мәсул алаһидә әлчиси сам бровнбәк әпәндиму бар иди.

Уйғур кишилик һоқуқ қурулушиниң директори өмәр қанат әпәндиниң радийомизға билдүрүшичә, мәзкур алий кеңәш уйғур мәсилисигә нисибәтән наһайити үнүмлүк бир йиғилиш болған. Алий кеңәшкә қатнашқан мәйли диний саһәдики кишиләр болсун, мәйли кишилик һоқуқ паалийәтчилири болсун, һәммиси өзлириниң нутуқлирида уйғурлар үчүн алаһидә орун бәргән.

Өмәр қанат әпәнди мәзкур алий кеңәшниң йепилиш мурасимида өткүзүлгән тон кейгүзүш паалийити һәққидә тохтилип, мундақ деди: “хитай җаза тәдбири қолланған шәхсләрни биз мукапатлишимиз керәк, әлвәттә!”

Мәлум болушичә, “2022-йиллиқ хәлқара диний әркинлик алий кеңиши” иккинчи қетимлиқ диний әркинлик али кеңиши болуп, биринҗи қетимлиқи өткән йили 13-июлдин 15-июлғичә өткүзүлгән. Мәзкур алий киңәш дуняниң һәрқайси җайлиридики диний әркинликни қоллайдиған диний тәшкилатларни бир йәргә җәм қилишни мәқсәт қилған, шундақла дунядики муһим вә юқири дәриҗилик диний рәһбәрләр өз ара учришидиған хәлқаралиқ сәһнә болуп қалған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт