Японийәниң юникло ширкити өз мәһсулатлириниң уйғур елидики мәҗбурий әмгәк билән ишләнмигәнликигә капаләтлик қилинидиғанлиқини билдүргән

Мухбиримиз мәмәтҗан җүмә
2021-04-11
Share
японийәниң юникло ширкити өз мәһсулатлириниң уйғур елидики мәҗбурий әмгәк билән ишләнмигәнликигә капаләтлик қилинидиғанлиқини билдүргән Уйғурлар дияридики пахта амбарлириниң бири, 1999-йили
Photo: RFA

Японийәниң даңлиқ кийим-кечәк ширкити юникло (Uniqlo) ниң хоҗайини ширкәтниң пахта тәминләш зәнҗирини көзитип келиватқанлиқини, ширкәт ишләп чиқарған кийим-кечәкләрниң һечқайсисиниң уйғур елидики мәҗбурий әмгәк билән ишләнмигәнликигә капаләтлик қилидиғанлиқини ейтқан.

Юникло ширкити японийәдики "тиз парчә сетиш" намлиқ сода гуруһиниң қармиқида болуп, сода гуруһиниң баш иҗраийә әмәлдари тадаши янаи җүмә күни бу һәқтә тохтилип: "әгәр шундақ мәсилә байқалса хам әшя тәминлигүчилири билән сода қилишни дәрһал тохтитимиз," дегән.

Америка һөкүмити хитайниң уйғурларға қаратқан ирқий қирғинчилиқ қилмишлири сәвәблик уйғур районидин кәлгән пахта вә пахта мәһсулатлириға ембарго қойған. Униңда һәрқандақ бир "мәһсулат пүтүнләй, яки қисмән һалда шинҗаң пахтилиридин ишләнгән болса" униң чәклинидиғанлиқи билдүрүлгән.

Шуниңдин кейин дуняға даңлиқ ширкәтләрдин IKEA уйғур райони пахтилиридин ишлинип америкиға импорт қилинидиған мәһсулатлирини америкиға тошушни тохтатқанлиқини билдүргән.

H&M Уйғур елидики мал тәминлигүчилиридин пахта мәһсулатлирини сетивелишни тохтатқан, найке ширкити болса өзи завутлириниң уйғур елидин кәлтүрүлгән пахта йипларни ишләтмәйдиғанлиқиға капаләтлик қилидиғанлиқини ейтқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт