Amérika tashiqi ishlar ministiri antony blinkén: “Uyghurlargha qarshi irqiy qirghinchiliq élip bériliwatidu”

Muxbirimiz memetjan jüme
2021.01.27
Amérika tashiqi ishlar ministiri antony blinkén: “Uyghurlargha qarshi irqiy qirghinchiliq élip bériliwatidu” Amérika tashiqi ishlar ministiri antony blinkén
Photo: RFA

Amérikaning bu nöwetlik tashqiy ishlar ministiri antony blinkén wezipige teyinlinip tunji ötküzülgen axbarat élan qilish yighinda, xitayning Uyghurlar ustidin irqiy qirghinchliq élip bériwatqanliqini qayta tekitlidi.

U 27-yanwar küni muxbirlarning tramp hökümitining Uyghurlar ustidin chiqarghan irqiy qirghinchiliq qarari heqqidiki so'allirigha jawab bérip mundaq dédi: “Méning ‛Uyghurlargha qarshi irqiy qirghinchiliq élip bériliwatidu‚ dégen hökümüm yenila eslidikidek. Uningda özgirish bolghini yoq.”

Amérikaning sabiq tashqiy ishlar ministiri mayk pompéyo 19-yanwar bayanat élan qilip, xitayning Uyghurlargha qarshi “Irqiy qirghinchiliq” we “Insaniyetke qarshi jinayet” sadir qiliwatqanliqini jakarlighan idi.

Antoni bilinkénmu amérika kéngesh palatasida ötküzülgen wezipige olturush aldidiki guwahliq bérish yighinida, tramp hökümitining xitaygha qaratqan siyasitini qollaydighanliqini bildürgen we “Xitay hazir shinjangda qirghinchiliq qiliwatidu,” dégen idi.

Uning wezipige resmiy olturup tunji küni ötküzülgen axbarat élan qilish yighinida yene bu nuqtini tekitlishi alahide diqqet qozghidi.   

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.