Байрақ чиқириш мурасимиға яғлиқ артип чиққан бир аял 19 йиллиқ кесилгән

Мухбиримиз җүмә
2020-04-26
`
Share
Erlan-Qabden-2020.jpg Байрақ чиқириш мурасимиға яғлиқ артип чиққан тарбағатай вилайити турғуни ерлан қабадән 19 йиллиқ кесилгән.
Social Media

Лагер қурбанлириға аит елан қилинған бир парчә һөҗҗәткә қариғанда, уйғур елидики бир аял байрақ чиқириш мурасимиға яғлиқ артип чиққанлиқи үчүн 19 йиллиқ кесилгән.

«Шинҗаң қурбанлири сандини» намлиқ тәшкилат 26-апрел елан қилған икки парчә һөҗҗәттә көрситилишичә, тарбағатай вилайити қобуқсар моңғул аптоном наһийәси мөтге йезисиниң турғуни ерлан қабадән «әсәбийликни ишлитип қанунға бузғунчилиқ қилиш», «җедәл чиқирип қалаймиқанчилиқ туғдуруш» җинайити билән җазаға тартилған вә охшаш җинайәт билән 2019-йили 14-июн қобуқсар наһийәлик хәлқ соти тәрипидин 19 йиллиқ муддәтлик қамақ җазасиға һөкүм қилинған.

Тәшкилатниң твиттер һесабида көрситишичә, ерлан қабадәниң қазақистандики уруқ туғқанлири байрақ чиқириш мурасимиға яғлиқ артип чиқиш, униң 19 йиллиқ кесилишигә сәвәб болған аталмиш җинайәт икәнликини билдүргән. 

Тәтқиқатчи җине бонн бу һәқтә фәйсбукқа йоллиған учурида буни бир «дөләт тәшкилликидики қатиллиқ» дәп атиди. 

У мундақ деди: «51 яшлиқ бир аял байрақ чиқириш мурасимиға яғлиқ артип чиққанлиқи үчүнла 19 йиллиқ кесилсә, буни җинайи җаза дегили болмайду. Бу бир дөләт дөләт тәшкилликидики қатиллиқтур.» 

Хитай даирилири 2016-йилиниң ахиридин башлап уйғур елидә йолға қойған қаттиқ бастуруш һәрикити җәрянида 1 милйондин 3 милйонғичә уйғур, қазақ қатарлиқ мусулман милләтләр җаза лагерлириға ташланған вә һәрхил намларда қарилинип кесилгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт