Доналд трамп: әгәр хитай һөкүмити билип туруп корона вирусиниң алдини алмиған болса буниң бәдили болиду

Мухбиримиз җүмә
2020-04-19
Share
tramp-trump-shi-jinping Америка президенти доналд трамп билән хитай рәиси ши җинпиң г-20 йиғинида. 2019-Йили 29-июн, осака, японийә.
AP

Америка президенти доналд трамп әгәр хитай һөкүмити билип туруп корона вирусиниң алдИНи Алмиған болса буниң чоқум сориқи болидиғанлиқини ейтқан.

«Хәлқара пул-муамилә вақит гезити» ниң хәвәр қилишичә, президент трамп мундақ дегән: «хаталиқ дегән хаталиқ. Әмма әгәр хитай буни билип туруп шундақ қилған болса, буниң чоқум бәдили болиду.»

Хәвәрдә көрситишичә, президент трамп бу йәрдә корона вирусиниң хитайдики бир биологийәлик қоллар лабораторийәсидә ясалғанлиқидин ибарәт тоғрилиқи испатланмиған нәзәрийәни има қиливатқан болуши мумкин икән.

Әң дәсләп хитайниң вухән шәһиридә байқалған корона вируси нөвәттә пүтүн дуня миқясиға ямрап аз дегәндә 2 милйон 367 миң адәмни юқумландурған, 163 миң адәмниң җениға замин болған.

Хитай даирилири бу вирусиниң вухән шәһиригә җайлашқан бир явайи һайванлар вә йемәклик базиридин тарқалғанлиқини, әсли вирусиниң шәпәрәңдин адәмгә юққанлиқини илгири суруп кәлгән.

Һалбуки, җүмә күнидики ахбарат елан қилиши йиғинда соз қилған президент трамп хитайниң бу һәқтики чүшәндүрүшлиригә ишинип кәтмәйдиғанлиқини билдүргән.

У мундақ дегән: «улар ейтиватқан у хилдики шәпәрәң у районда йоқ.»

Нөвәттә корона вируси мәнбәсиниң вухәндики бир вирологийә лабораторийәси икәнликигә аит хәвәрләр америка һөкүмитиниңму диққитини қозғиған болуп, америка дөләт мудапиә министирлиқиму буни тәкшүрүватқанлиқини ейтқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.