Mayk pompéyo xitayning wuxendiki wirologiye laboratoriyesige kirishni chekligenlikini éytti

Amérika tashqi ishlar ministiri mayk pompéyo xitayning korona wirusining menbesi bolushi mumkin dep qaralghan wuxendiki wirologiye laboratoriyesige tekshürgüchilerning kirishni chekligenlikini éytti.

U, bu sözlerni 16-aprél "Fokus" téléwiziyesining ziyaritini qobul qilghanda otturigha qoydi. U, xitay hökümiti we dunya sehiye teshkilatining wirus yuqumigha a'it uchurlarni waqtida teminlimey dunyawi waba keltürüp chiqarghanliqini éytti.

U mundaq dédi: "Biz héli hem xitay kommunist partiyesidin mutexessislerning u wirologiye laboratoriyesige kirishige ruxset bérishini telep qiliwatimiz. Shundaq bolghandila biz wirusining zadi qeyerdin tarqalghanliqigha éniq höküm qilalaymiz."

U, bu heqtiki teleplirining siyasiy telep emeslikini sherhlep mundaq dédi: "Bu ilim-pen we épidémi'ologiyege a'it telep. Biz u yerde néme bolghanliqini chüshinishke mohtaj. Shundaq bolghandila aldimizdiki hepte we aylarda amérikiliqlargha kélidighan xeterni kémeyteleymiz we dunyawi iqtisadini öz yoligha salalaymiz."

U yene, amérikining u laboratoriyede qandaq wiruslarning tetqiq qilin'ghanliqigha a'it jawablargha éhtiyajliq ikenlikini bildürdi we xitay kompartiyesini cheklimilerni bikar qilishqa chaqiridi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar